चौतर्फी विरोधपछि क्यानडा र मेक्सिकोमाथि आयात कर लगाउने प्रस्तावबाट पछि हटे ट्रम्प

अन्तर्राष्ट्रिय

गृहपृष्ठ
अन्तर्राष्ट्रिय

चौतर्फी विरोधपछि क्यानडा र मेक्सिकोमाथि आयात कर लगाउने प्रस्तावबाट पछि हटे ट्रम्प

क्यापिटल नेपालमंगलबार, माघ २२, २०८१

काठमाडौं। छिमेकका ठूला व्यापारिक साझेदार क्यानडा र मेक्सिकोविरुद्ध २५ प्रतिशत थप आयात कर लगाउने घोषणा गरेका अमेरिकी राष्ट्रपति डोनाल्ड ट्रम्प चौतर्फी विरोधपछि हाललाई पछि हटेका छन्।

दुई देशले सीमामा कडाइ गर्ने वचन दिएपछि क्यानडा र मेक्सिकोविरुद्ध घोषित ट्यारिफ प्रस्तावबाट ट्रम्प पछि हटेका हुन्।

क्यानडा र मेक्सिकोविरुद्ध घोषित २५ प्रतिशत आयातकर मंगलबारदेखि लागू गर्ने ट्रम्पको तयारी थियो। अब उनले एक महिनाका लागि यो प्रस्ताव स्थगित गरेको अन्तर्राष्ट्रिय सञ्चार माध्यमले जनाएका छन्।

मेक्सिको र क्यानडा सीमा सुरक्षामा सुधार गर्ने र लागूऔषधको चोरी पैठारीमा रोक लगाउन सहमत भएसँगै ट्रम्प नरम भएका हुन् । क्यानाडा र मेक्सिको दुवै अमेरिकाको सबैभन्दा ठूला व्यापारिक साझेदार मानिन्छन्।

ट्रम्पले आयात कर घोषणा गरेसँगै क्यानडा र मेक्सिकोले पनि अमेरिकाविरुद्ध आयात कर लगाउने घोषणा गरेका थिए। ट्रम्पसँगको सम्झौता अनुसार क्यानाडाले विशेष जाँचकी नियुक्त गर्ने र मेक्सिकोले दस हजार सैनिक सीमामा पठाउनेछ।

तर, ट्रम्पले एसियाली मुलुक चीनमाथि लगाइने भनिएको १० प्रतिशत कर भने यथावत राखेका छन्।

ट्रम्पका पछिल्ला गतिविधिले अमेरिकालाई पछि पार्ने भन्दै रिपब्लिकन र डेमोक्र्याट सांसदले विरोध गरेका छन्।–एजेन्सी

प्रकाशित मिति: मंगलबार, माघ २२, २०८१ ०६:४६

प्रतिक्रिया दिनुहोस्