विदेश अध्ययनमै बाहिरियो करिब ५८ अर्ब, पाेहाेरभन्दा २ अर्बले घट्यो

अर्थतन्त्र

गृहपृष्ठ
अर्थतन्त्र

विदेश अध्ययनमै बाहिरियो करिब ५८ अर्ब, पाेहाेरभन्दा २ अर्बले घट्यो

क्यापिटल नेपालसोमबार, माघ २१, २०८१

फाइल तस्बिर

काठमाडौं। वैदेशिक अध्ययनका लागि नेपाली विद्यार्थीले ५६ अर्ब ८३ करोड बराबर खर्च गरेका छन्।

नेपाल राष्ट्र बैंकले सार्वजनिक गरेको चालू आर्थिक वर्षको ६ महिनाको विवरणअनुसार गत वर्षको सोही अवधिको तुलनामा २ अर्ब बढीले कमी आए पनि शिक्षाको नाममा विदेशिने रकम बढ्दो क्रममा रहेको छ।

अघिल्लो वर्ष वैदेशिक अध्ययनका लागि ५८ अर्ब ९५ करोड बराबरको रकम विदेशिएको थियो। समीक्षा अवधिमा सेवा खाताअन्तर्गत भ्रमण व्यय नौ दशमलव सात प्रतिशतले वृद्धि भई एक खर्ब एक अर्ब ९२ करोड पुगेको छ। गत वर्ष ६ महिनाको अवधिमा भ्रमण व्यय ९२ अर्ब ८७ करोड बराबर थियो।

समीक्षा अवधिमा खुद सेवा आय ४३ अर्ब ५३ करोडले घाटामा रहेको छ। अघिल्लो वर्षको सोही अवधिमा खुद सेवा आय ३५ अर्ब ४३ करोडले घाटामा रहेको थियो।

सेवा खाताअन्तर्गत समीक्षा अवधिमा भ्रमण आय पाँच दशमलव एक प्रतिशतले वृद्धि भई ४१ अर्ब ८६ करोड पुगेको छ। अघिल्लो वर्षको सोही अवधिमा यस्तो आय ३९ अर्ब ८२ करोड थियो।

प्रकाशित मिति: सोमबार, माघ २१, २०८१ ०६:४५

प्रतिक्रिया दिनुहोस्