लुम्बिनी सेरामिक्सले आईपीओ जारी गर्ने, नबिल इन्भेष्टमेन्ट बिक्री प्रबन्धक

सेयर

गृहपृष्ठ
सेयर

लुम्बिनी सेरामिक्सले आईपीओ जारी गर्ने, नबिल इन्भेष्टमेन्ट बिक्री प्रबन्धक

क्यापिटल नेपालआइतबार, माघ २०, २०८१

काठमाडौं। टायल उत्पादक लुम्बिनी सेरामिक्सले सर्वसाधारणमा प्राथमिक सेयरको सार्वजनिक निष्कासन गर्न बिक्री प्रबन्धकका रुपमा नबिल इन्भेष्टमेन्ट बैंकिङलाई नियुक्त गरेको छ।

सेयर निष्कासन सम्झौतामा लुम्बिनी सेरामिक्सका कम्पनी सञ्चालक श्यामसुन्दर खेतान तथा नबिल इन्भेष्टमेन्ट बैंकिङका कम्पनीका प्रमुख कार्यकारी अधिकृत मनिषनारायण जोशीले हस्ताक्षर गरे। कम्पनीले कति संख्यामा आईपीओ निष्कासन गर्ने हो, त्यसबारे भने खुलाएको छैन।

कम्पनीले भविष्यमा नियमनकारी निकायबाट आवश्यक स्वीकृति प्राप्त गरी सर्वसाधारणमा प्राथमिक सेयरको सार्वजनिक निष्कासन गरिने जनाएको छ।

लुम्बिनी सेरामिक्सले नेपालको पहिलो र एकमात्र शतप्रतिशत भिट्रिफाइड लामिनार टायल उत्पादन गर्दै आएको छ।

लुम्बिनी सेरामिक्स ४ अर्ब लगानीमा सञ्चालनमा आएको हो। यसमा झन्डै ३ अर्ब रुपैयाँ विभिन्न बैंकले ऋण लगानी गरेका छन्। लुम्बिनी सेरामिक्सले करिब ५०० बढी डिजाइनका टायल उत्पादन गर्दै आएको छ।

प्रकाशित मिति: आइतबार, माघ २०, २०८१ १४:४१

प्रतिक्रिया दिनुहोस्