सरावलमा २७ लाख खर्चिएर बनेको हाटबजार चार वर्षदेखि प्रयोगविहीन

पूर्वाधार

गृहपृष्ठ
पूर्वाधार

सरावलमा २७ लाख खर्चिएर बनेको हाटबजार चार वर्षदेखि प्रयोगविहीन

क्यापिटल नेपालशनिबार, माघ १९, २०८१

नवलपरासी। पश्चिम नवलपरासीको सरावल गाउँपालिका–३ स्थित भीमटाँडीमा लुम्बिनी प्रदेश सरकारले २७ लाखमा निर्माण गरेको हाटबजार प्रयोगविहीन भएको छ।

हाटबजारको भौतिक पूर्वाधार निर्माण सम्पन्न भएको चार वर्ष भयो सञ्चालनमा नआउँदा हाटबजार प्रयोग विहिन भएको सरावल–३ स्थानीय लेखनाथ रायले बताए।

उनका अनुसार निर्माणाधीन हाटबजारमा बजार लगाउने ठेकेदारले जग्गाधनीलाई वार्षिक २५ हजार रुपैयाँ भाडा दिने सर्तमा लुम्बिनी प्रदेश सरकारले दस कठ्ठा जग्गामा हाटबजार निर्माण गरेको हो। निर्माणाधीन जग्गा लेखनाथ रायको नाममा दर्ता छ।

सोही वडामा डेढ बिघा सार्वजनिक जग्गा रहेपनि पूर्वउपाध्यक्षले सरकारी बजेट सार्वजनिक जग्गामा नबनाएर आफनो व्यक्तिगत जग्गामा निर्माण गरेपछि निर्माणाधिन हाटबजार एकान्तमा रहेकोले व्यापारीले त्यहाँ बजार लगाउन मानेका छैनन्। निर्माणाधीन हाटबजार लगाउन भने पनि व्यापारीले बजार नलगाएको सरावल–३ का वडाध्यक्ष फिरंगी चौधरीले बताए।

उनका अनुसार सरकारको रकम सार्वजनिक जग्गामा लगानी गर्नुपर्नेमा राजनीतिक पदमा रहेकोले आफू यो पदबाट गए पनि पछि आम्दानीको स्रोत हुने गरी व्यक्तिगत जग्गामा हाटबजार बनाएका हुन्।

‘पूर्वउपाध्यक्षको नम्बरी जग्गामा आफूले बजार लगाउने पहल गरे पनि व्यापारी त्यहाँ बजार लगाउन मानेका छैनन्’, सरावल गाउँपालिका अध्यक्ष सुखाडीप्रसाद चौधरीले भने।–रासस

प्रकाशित मिति: शनिबार, माघ १९, २०८१ ११:०८

प्रतिक्रिया दिनुहोस्