संसद् बैठक सुरु भएलगत्तै रास्वपाको अवरोध, रवि लामिछानेको निलम्बन फुकुवा गर्न माग

राजनीति

गृहपृष्ठ
राजनीति

संसद् बैठक सुरु भएलगत्तै रास्वपाको अवरोध, रवि लामिछानेको निलम्बन फुकुवा गर्न माग

क्यापिटल नेपालशुक्रबार, माघ १८, २०८१

काठमाडौं। प्रतिनिधिसभाको बैठक सुरु भएलगत्तै अवरोध भएको छ। राष्ट्रिय स्वतन्त्र पार्टी (रास्वपा)ले संसद अधिवेशन सुरु हुनासाथ उठेर विरोध गरिरहेका हुन्।

अहिले सभामुख देवराज घिमिरे र रास्वपाका सांसदहरूबीच सवालजवाफ गरिरहेका छन्।

यसअघि आजै रास्वपा सभापतिसमेत रहेका निलम्बित सांसद रवि लामिछानेले सभामुख देवराज घिमिरेसँग भेट गरी आफूमाथि लागेको निलम्बन फुकुवा गर्न आग्रह गरेका थिए।

लामिछानेले शुक्रबार सभामुख घिमिरेलाई सिंहदरबारस्थित सभामुखको कार्यकक्षमा भेटेर निलम्बन फुकुवा गर्न आग्रह गरेका हुन्।

लामिछानेमाथि पाँच वटा जिल्लामा सहकारीको बचत ठगी गरेको आरोपमा अनुसन्धान भएको थियो। साथै, सम्पत्ति शुद्धिकरण र सांगठनिक ठगीमा अनुसन्धान भएको थियो।

जसमध्ये कास्की, काठमाडौं र रुपन्देही जिल्ला अदालतमा २ करोड २५ लाख धरौटी बुझाएर रिहा भएका थिए। यस्तै, उनकै चुनावी क्षेत्र चितवनसहित दुई जिल्ला सहकारी ठगीको मुद्दा दर्ता गर्ने प्रक्रिया रहेको छ।

प्रकाशित मिति: शुक्रबार, माघ १८, २०८१ १३:३०

प्रतिक्रिया दिनुहोस्