क्यानडा-मेक्सिको सामानमा अमेरिकाले लगायो थप २५ प्रतिशत कर

अन्तर्राष्ट्रिय

गृहपृष्ठ
अन्तर्राष्ट्रिय

क्यानडा-मेक्सिको सामानमा अमेरिकाले लगायो थप २५ प्रतिशत कर

क्यापिटल नेपालशुक्रबार, माघ १८, २०८१

काठमाडौं। क्यानडा र मेक्सिकोबाट आउने सामानमाथि अमेरिकामा २५ प्रतिशत अतिरिक्त कर थप्ने भएको छ। अमेरिकी राष्ट्रपति डोनाल्ड ट्रम्पले फेब्रुअरी १ गतेदेखि लागू हुने गरी उक्त कर लगाइने जानकारी दिएका हुन्।

यो कर ती देशबाट आउने तेलमा लागू हुन्छ कि हुन्न भन्नेबारे चाहिँ निर्णय हुन बाँकी छ। ओभल अफिसमा पत्रकारसँग कुराकानी गर्ने क्रममा उनले यसबारे आफ्नो धारणा राखेका हुन्।

यी देशका सीमाबाट अमेरिकामा ठूलो संख्यामा भित्रिने अवैध आप्रवासी र लागू औषध नियन्त्रण गर्न यस्तो कदम चालिएको उनको दाबी थियो।

चीनबाट आयात हुने सामानमा छिटोमा यही महिनादेखि १० प्रतिशत कर लाग्ने ट्रम्पले बताए। चीनबाट अमेरिकामा फेन्टानिल तस्करी भइहरेको र यसका कारण सयौँ हजारौँको मृत्यु भइरहेको कुरालाई ट्रम्पले दोहोर्‍याए।

आफ्नो चुनावी अभियानमा ट्रम्पले चीनमा बनेर अमेरिका आउने सामानमा ६० प्रतिशतसम्म अतिरिक्त महसुल लगाउने चेतावनी दिएका थिए।

प्रकाशित मिति: शुक्रबार, माघ १८, २०८१ ०९:२६

प्रतिक्रिया दिनुहोस्