एभरेष्ट बैंकलाई ३ अर्बको ऋणपत्र जारी अनुमति, ७.५० प्रतिशत ब्याज

सेयर

गृहपृष्ठ
सेयर

एभरेष्ट बैंकलाई ३ अर्बको ऋणपत्र जारी अनुमति, ७.५० प्रतिशत ब्याज

क्यापिटल नेपालबुधबार, माघ १६, २०८१

काठमाडौं। एभरेष्ट बैंकले ३ अर्ब रुपैयाँ बराबरको ऋणपत्र जारी अनुमति पाएको छ। नेपाल धितोपत्र बोर्ड (सेबोन)ले बैंकलाई ‘एभरेष्ट बैंक डिबेन्चर–२०९१’ जारी अनुमति दिएको हो।

बैंकको यो ऋणपत्र १० वर्षे अवधिको हो। यसमा लगानीकर्ताले वार्षिक ७.५० प्रतिशत ब्याज पाए पनि भुक्तानी ६–६ महिनामै दिइनेछ।

बैंकले १ हजार रुपैयाँ अंकित दरका कुल ३० लाख इकाइ ऋणपत्र निष्कासन गर्नेछ। यसमध्ये ४० प्रतिशत सर्वसाधारण तथा ६० प्रतिशत व्यक्तिगत तबरबाट बिक्री गरिने बैंकले जनाएको छ।

३ अर्ब रुपैयाँ बराबरको ३० लाख इकाइमध्ये बैंकले १ अर्ब ८० करोड रुपैयाँ बराबरको १८ लाख इकाइ व्यक्तिगत तबरबाट बिक्री तथा बाँकी १ अर्ब २० करोड बराबरको १२ लाख इकाइ सार्वजनिक निष्कासन गर्नेछ। ऋणपत्र बिक्री प्रबन्धकमा लक्ष्मी सनराइज क्यापिटल रहेको छ।

प्रकाशित मिति: बुधबार, माघ १६, २०८१ ०६:४३

प्रतिक्रिया दिनुहोस्