अधिक तरलता बढेपछि राष्ट्र बैंकले खिच्दै ३० अर्ब

बैंकिङ

गृहपृष्ठ
बैंकिङ

अधिक तरलता बढेपछि राष्ट्र बैंकले खिच्दै ३० अर्ब

क्यापिटल नेपालमंगलबार, माघ १५, २०८१

काठमाडौं। बजारमा अधिक तरलता बढेपछि नेपाल राष्ट्र बैंकले आज ३० अर्ब रुपैयाँ खिच्ने भएको छ। बैंकमा तरलता बढेपछि निक्षेप संकलन उपकरण बोलकबोलमार्फत पैसा खिच्न लागेको हो।

केन्द्रीय बैंकले २१ दिनका लागि निक्षेप संकलन उपकरण बोलकबोलमार्फत तरलता खिच्न लागेको हो। निक्षेप संकलन दरमा स्थायी निक्षेप सुविधा दिएको केन्द्रीय बैंकले निक्षेप संकलन उपकरण बोलकबोलमार्फत तरलता खिचिरहेको छ।

मंगलबार बोलकबोल हुने निक्षेप संकलन उपकरणको सावाँ ब्याज आगामी ६ फागुनमा भुक्तानी हुनेछ। निक्षेप संकलन उपकरणको ब्याजदर बोलकबोलबाट तय हुनेछ।

बोल गर्न सकिने रकम न्यूनतम १० करोड र बढीमा ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म हुनेछ। बोलकबोलमा राष्ट्र बैंकबाट इजाजतप्राप्त ‘क’, ‘ख’ र ‘ग’ वर्गका बैंक तथा वित्तीय संस्थामात्र सहभागी हुन पाउने छन्।

प्रकाशित मिति: मंगलबार, माघ १५, २०८१ १३:४३

प्रतिक्रिया दिनुहोस्