गौतमबुद्ध विमानस्थलमा न्यारोबडी एयरलाइन्स बेस बनाउन माग

पर्यटन

गृहपृष्ठ
पर्यटन

गौतमबुद्ध विमानस्थलमा न्यारोबडी एयरलाइन्स बेस बनाउन माग

क्यापिटल नेपालमंगलबार, माघ १५, २०८१

लुम्बिनी। नेपाल एसोसिएसन अफ टुर एन्ड ट्राभल एजेन्ट (नाट्टा) लुम्बिनी प्रदेशले भैरहवास्थित गौतमबुद्ध अन्तर्राष्ट्रिय विमानस्थलमा ‘न्यारोबडी’का एयरलाइन्स बेस बनाउन माग गरेको छ। नाट्टाले चीन, बौद्धमार्गी तेस्रो मुलुक र श्रमिक गन्तव्य खाडी मुलुकका लागि भैरहवा बेस न्यारोबडी जहाज सञ्चालन भएमात्र दीर्घकालीन हुने निष्कर्ष निकालेको हो।

संस्थाका अध्यक्ष चन्द्रबहादुर थापा र महासचिव सीता बस्यालले संयुक्त रूपमा हस्ताक्षर गरी जारी गरिएको विज्ञप्तिमा भैरहवास्थित गौतमबुद्ध विमानस्थल सञ्चालनका लागि सरकारले अझै प्रभावकारी योजना बनाउनुपर्ने माग गरिएको छ।

यसैगरी प्रोत्साहन सुविधासहितको प्याकेज घोषणा गरी सबै आन्तरिक हवाई उडान कम्पनीका कम्तीमा एउटा जहाजबाट निश्चित अवधिका लागि दैनिक अन्तरप्रदेश हवाई कनेक्टिभिटी उडान व्यवस्था गर्नुपर्ने माग पनि नाट्टाले गरेको छ।

अन्तर्राष्ट्रिय हवाई यात्रुका लागि बस र होटल सुविधा सहुलियत घोषणा गरी यात्रुमैत्री नीति अवलम्बन गर्नुपर्ने माग गरेको छ। प्लानिङ वर्कसप तथा फेलोसीप कार्यक्रमबाट वर्षभरि गरिने पर्यटकीय कार्यक्रमको सूची निर्धारण गरिएको विज्ञप्तिमा जनाइएको छ।

लुम्बिनी प्रदेश पर्यटन परिषद्का सदस्य माधव नेपालको प्रमुख आतिथ्यतामा भएको कार्यशाला तथा फेलोसीप कार्यक्रमबाट ५० ट्राभल व्यवसायीको सहभागितामा विभिन्न विषयगत समिति पनि गठन गरिनेछ।

प्रकाशित मिति: मंगलबार, माघ १५, २०८१ ११:३७

प्रतिक्रिया दिनुहोस्