कामना सेवा विकास बैंकले ९ प्रतिशत लाभांश कायम गरी अग्राधिकार सेयर जारी गर्ने

बैंकिङ

गृहपृष्ठ
बैंकिङ

कामना सेवा विकास बैंकले ९ प्रतिशत लाभांश कायम गरी अग्राधिकार सेयर जारी गर्ने

क्यापिटल नेपालआइतबार, माघ १३, २०८१

काठमाडौं। कामना सेवा विकास बैंकले ९ प्रतिशत लाभांश कायम गर्ने गरी अविमोच्य असञ्चिति अग्राधिकार सेयर जारी गर्ने भएको छ। बैंकले अंकित मूल्य १ सय रूपैयाँमा ३५ लाख कित्ता अर्थात् ३५ करोड रूपैयाँ बराबरको सेयर जारी गर्ने भएको हो।

अग्राधिकार शेयर परिपत्र विधिबाट निष्काशन गर्न बैंकले एनआइएमबि एस क्यापिटल लिमिटेडलाई निष्काशन तथा बिक्री प्रबन्धकको रुपमा नियुक्त गरेको छ। बैंकको पूरक पुँजी बढाउने उद्देश्यले जारी गर्न लागेको वार्षिक ९ प्रतिशत लाभांश दर भएको (असञ्चिति) अग्राधिकार शेयर अविमोच्य अवधि भएका कारण भुक्तानी अवधि तोकिएको छैन र उक्त शेयर परिपत्र विधिबाट निष्काशन गरिने जनाइएको छ।

उक्त निष्काशनसम्बन्धि सम्झौता पत्रमा बैंकका तर्फबाट प्रमुख कार्यकारी अधिकृत दिनेश थकाली र निष्काशन तथा बिक्री प्रबन्धकका तर्फबाट महाप्रबन्धक सचिन्द्र ढुङ्गानाले हस्ताक्षर गरिएका छन्।

प्रकाशित मिति: आइतबार, माघ १३, २०८१ १८:३४

प्रतिक्रिया दिनुहोस्