बालबालिकाको कानको सुरक्षा गर्न मेटलाइफले गर्‍‍यो 'इयर केयर नेपाल'सँग सहकार्य

समाज

गृहपृष्ठ
समाज

बालबालिकाको कानको सुरक्षा गर्न मेटलाइफले गर्‍‍यो 'इयर केयर नेपाल'सँग सहकार्य

क्यापिटल नेपालआइतबार, माघ १३, २०८१

काठमाडौं। मेटलाइफ नेपालले 'इयर केयर नेपाल'सँगको सहकार्यमा उपत्यकाका तीन जिल्लाहरू काठमाडौं, भक्तपुर र ललितपुरका सरकारी विद्यालयमा पूर्व प्राथमिकदेखि कक्षा १० सम्मका २ हजार ४०० बालबालिकालाई लक्षित गरी १० हप्ताको स्कुल इयर हेल्थ कार्यक्रम सुरु गर्दै छ।

यस कार्यक्रमले दीर्घकालीन कानको स्वास्थ्य सचेतना प्रवर्द्धन गर्ने र बालबालिकामा सम्बन्धित समस्यालाई रोक्न प्रारम्भिक पहिचान र शिक्षाको महत्वपूर्ण भूमिकालाई जोड दिने लक्ष्य राखेको छ। यस अवसरमा विद्यालय जाने बालबालिकामा कानसम्बन्धी समस्याको प्रारम्भिक पहिचान र रोकथाम गर्न लक्षित छ।

इयर केयर नेपालका कन्सल्टेन्ट इएनटी सर्जनले ८ देखि १० विद्यालयमा विद्यार्थीको कानको रोग र श्रवणशक्तिको स्क्रिन र उपचार गर्न जाने छन्। पोर्टेबल अडियोग्राम मेशिनले साइटमा श्रवण परीक्षण सञ्चालन गर्ने छन्। कानको सामान्य समस्याको उपचार तत्काल गर्ने भएको छ। कार्यक्रमले विद्यार्थी, शिक्षक र अभिभावकलाई संलग्न सिकाइ सामग्रीमार्फत कानको स्वास्थ्यलाई प्राथमिकता दिन कान र श्रवण स्वास्थ्य शिक्षा प्रदान गर्ने छ।

मेटलाइफ नेपालका महाप्रबन्धक निर्मल काजी श्रेष्ठले भने, "हामी यस महत्त्वपूर्ण पहलमा इयर केयर नेपालसँग साझेदारी गर्न पाउँदा गर्व गर्छौं। यस कार्यक्रमले कान र श्रवणलाई गम्भीर रूपमा सम्बोधन गरेर बालबालिकाको स्वास्थ्य र कल्याणमा सुधार गर्ने हाम्रो प्रतिबद्धता झल्काउँछ। स्वास्थ्य समस्याहरू नियन्त्रण गर्दै हामीले दिगो प्रभाव सिर्जना गर्न सक्छौँ। हाम्रो समुदायका लागि स्वस्थ भविष्य बनाउन मद्दत गर्न सक्छौँ।"

प्रकाशित मिति: आइतबार, माघ १३, २०८१ ११:५२

प्रतिक्रिया दिनुहोस्