टीभीएस मोटरद्वारा स्किल फेस्ट आयोजना, प्राविधिकको क्षमता बढाउने लक्ष्य

कर्पोरेट बजार

गृहपृष्ठ
कर्पोरेट बजार

टीभीएस मोटरद्वारा स्किल फेस्ट आयोजना, प्राविधिकको क्षमता बढाउने लक्ष्य

क्यापिटल नेपालशुक्रबार, माघ ११, २०८१

काठमाडौं। टीभीएस मोटर कम्पनीले आयोजना गरेको राष्ट्रिय स्तरको सीप प्रतियोगितामा जेएमपीएल नेपालको प्रतिनिधित्व गर्दै ३० उत्कृष्ट टेक्निसियनले सहभागिता जनाएका छन्।

प्रतियोगितामा सहभागी ३० जना नेपालभरबाट छानिएका उत्कृष्ट टेक्निसियन रहेको कम्पनीले जनाएको छ। टीभीएस मोटर्सले टेक्निसियनको क्षमता वृद्धि गर्दै अटोमोटिभ उद्योगमा मोटरसाइकल प्रविधि क्षेत्रमा सीप दिएर थप दक्षता वृद्धि गर्ने लक्ष्य राखिएको कम्पनीको भनाइ छ।

शीर्ष ३० टेक्निसियनमध्ये उत्कृष्ट पाँच जनाको छनोट गरिने र तिनले भारतको बेंगलोरमा टीभीएस मोटर कम्पनीद्वारा आयोजित एसिया स्तरको सीप प्रतियोगितामा नेपालको प्रतिनिधित्व गर्नेछन्।

प्रतियोगितामा जटिल डायग्नोस्टिक र मर्मत चुनौती शृंखलाले टेक्निसियनका समस्या समाधान गर्ने क्षमता, टीभीएस मोटरसाइकलको उन्नत प्रविधिको ज्ञान र ग्राहक सेवा अनि सीपको परीक्षा लिइएको कम्पनीका वरिष्ठ महाप्रबन्धक सर्भिस अमरदीप मजुमदारले बताए।

प्रकाशित मिति: शुक्रबार, माघ ११, २०८१ १०:४४

प्रतिक्रिया दिनुहोस्