अशोक लेल्यान्डको लेपावर जेनसेट सार्वजनिक, आइएमई ग्रुपको सहकार्य

अटो

गृहपृष्ठ
अटो

अशोक लेल्यान्डको लेपावर जेनसेट सार्वजनिक, आइएमई ग्रुपको सहकार्य

क्यापिटल नेपालशुक्रबार, माघ ११, २०८१

काठमाडौं। नेपालका लागि लेपावर जेनसेटको आधिकारिक बिक्रेता आइएमई इलेक्ट्रिक प्रालिले अशोक लेल्यान्डको उत्पादन नेक्स्ट–जेन लेपावर जेनसेट नेपाली बजारमा सार्वजनिक सार्वजनिक गरेको छ।

देशमा बढ्दै गएको ऊर्जा मागलाई पूरा गर्ने उद्देश्यले अत्याधुनिक पावर सोलुसन लेपावर जेनसेट बजारमा बिक्री सुरु गरिएको कम्पनीले जनाएको छ।

कार्यक्रममा नेपाल निर्माण व्यवसायी महासंघ अध्यक्ष रवि सिंहले अशोक लेल्यान्डका सन्तुष्ट ग्राहकको नाताले हिनो इन्जिन र यसको सुपेरियर बिल्ड क्वालिटीप्रति विश्वस्त हुन सकिने बताउँदै लेपावर जेनसेट गेम चेन्जर बन्ने विश्वास व्यक्त गरे।

अशोक लेल्यान्डका सार्क हेड अमिताभ श्रीवास्तवले अशोक लेल्यान्ड इन्डियाले लेपावर जेनसेटका साथ नेपाली जारमा आफ्नो उपस्थितिलाई विस्तार गर्दै गइरहेको जानकारी दिए। आइएमई ग्रुपसँगको सहकार्यले विश्वसनीय माध्यमबाट सहरी र औद्योगिक क्षेत्रमा आवश्यक ऊर्जा उपलब्ध गराउन यी जेनसेट उत्पादन तथा बिक्री गरिएको उनले बताए।

आइएमई ग्रुपका अध्यक्ष चन्द्रप्रसाद ढकालले सबै क्षेत्रमा गुणस्तरीय उत्पादन र सेवा उपलब्ध गराउनमा आईएमई ग्रुप प्रतिबद्ध रहेको बताए। ग्राहक सन्तुष्टि र विश्वसनीयता बढाउन बिक्रीपछिको सेवालाई प्राथमिकता दिइएको र लेपावर जेनसेटका ग्राहकलाई समेत जेन्युइन स्पेयर पार्टस् उपलब्ध गराइने प्रतिबद्धता जनाए।

कार्यक्रममा आइएमई इलेक्ट्रिकका कार्यकारी निर्देशक निशान ढकाल, आइएमई मोटर्सका निर्देशक सन्दीप अग्रवाल, अशोक लेल्यान्डका कन्ट्री म्यानेजरविप्लव पाउललगायत उपस्थित थिए।

प्रकाशित मिति: शुक्रबार, माघ ११, २०८१ ०६:०४

प्रतिक्रिया दिनुहोस्