यू–१९ महिला विश्वकप: अस्ट्रेलियासँग पराजित भएसँगै प्रतियोगिताबाटै बाहिरियो नेपाल

समाज

गृहपृष्ठ
समाज

यू–१९ महिला विश्वकप: अस्ट्रेलियासँग पराजित भएसँगै प्रतियोगिताबाटै बाहिरियो नेपाल

क्यापिटल नेपालबुधबार, माघ ९, २०८१

काठमाडौं– यू–१९ महिला टी–२० विश्वकप अन्तर्गत समूहचरणको अन्तिम खेलमा पराजित भएसँगै नेपालको सुपर सिक्स यात्रा अन्त्य हुनुका साथै प्रतियोगिताबाटै बाहिरिएको छ।

समूचरणको अन्तिम खेलमा नेपाल अस्ट्रेलियासँग भारी रनअन्तरले पराजित भयो। बुधबार मलेसियाको बांगीमा भएको खेलमा अस्ट्रेलियासँग नेपाल ८३ रनले पराजित भएको हो। प्रतियोगितामा लगातार तेस्रो खेल हार्दै नेपाल प्रतियोगिताबाटै बाहिरिएको हो।

१४० रनको विशाल लक्ष्य पछ्याएको नेपालले निर्धारित २० ओभरमा ८ विकेट गुमाउँदै मात्र ५६ रनमै समेटियो। नेपालका लागि कप्तान पूजा महतोले १८ रन बनाउनुबाहेक अन्य ब्याटरले दोहोरो अंकमा रन बनाउन सकेनन्।

पहिलो खेलमा बंगलादेशसँग ५ विकेटले हारेको नेपाल दोस्रो खेलमा स्कटल्याण्डसँग एक विकेटले पराजित भएको थियो। बुधबारको खेलमा टस जित्दै अस्ट्रेलियाले पहिले ब्याटिङ गर्दै निर्धारित २० ओभरमा ६ विकेट गुमाउँदै १३९ रनको विशाल स्कोर बनाएको थियो। महिला क्रिकेटमा कुनै पनि उमेर समूहमा अस्ट्रेलियासँग नेपालको पहिलो भेट हो।

त्यसअघि अस्ट्रेलियाको विशाल स्कोर बनाउन काइम्हे ब्रेले सानदार ब्याटिङ गरिन्। उनले मात्र ३४ बलमा ४५ रन बनाइन्। यस्तै एलेनो लारोसाले ३९ बलमा ३१ रन बनाउँदा हर्सद गिलले आक्रामक ब्याटिङ गर्दै नटआउट २१ बलमा ३० रनको शानदार पारी खेलिन्। यस्तै कोल अनिसवर्थले पनि ९ बलमा नटआउट १६ रनको योगदान दिइन्।

नेपालका लागि पूजा महतोले सर्वाधिक ३ विकेट लिँदा सीमाना केसीले २ र रिया शर्माले चौधरीले एक विकेट लिइन्।

प्रकाशित मिति: बुधबार, माघ ९, २०८१ १५:१६

प्रतिक्रिया दिनुहोस्