चार संसदीय समिति बैठक बस्ने कार्यसूची, लेखासमितिमा सिमेन्टको मूल्यवृद्धिबारे सोधीखोजी हुने

राजनीति

गृहपृष्ठ
राजनीति

चार संसदीय समिति बैठक बस्ने कार्यसूची, लेखासमितिमा सिमेन्टको मूल्यवृद्धिबारे सोधीखोजी हुने

क्यापिटल नेपालबुधबार, माघ ९, २०८१

फाइल तस्बिर

काठमाडौं। संघीय प्रतिनिधिसभाअन्तर्गत विभिन्न समितिमध्ये आज चार वटा संसदीय समितिको बैठक बस्ने भएको छ।

आज कृषि, सहकारी तथा प्राकृतिक स्रोत समिति, पूर्वाधार विकास समिति, सार्वजनिक लेखा समिति र विधायन व्यवस्थापन समितिको बैठक बस्ने संसद् सचिवालयले सूचना निकालेर जानकारी दिएको हो।

सचिवालयका अनुसार बिहान ११ बजे बस्ने कृषि, सहकारी तथा प्राकृतिक स्रोत समिति बैठकमा नेपालमा हिउँदको समय हुने डढेलो प्रकोपको क्षति न्यूनीकरण पूर्वतयारीका सम्बन्धमा सरोकारवाला निकायसँग छलफल हुनेछ।

यस्तै सोही समय बस्ने तय भएको पूर्वाधार विकास समिति बैठकमा जलस्रोत विधेयक, २०८१ माथि दफाबार छलफल हुनेछ। बिहान ११ बजे नै बस्ने सार्वजनिक लेखा समिति बैठकमा सिमेन्ट उत्पादन तथा बजार मूल्य सम्बन्धमा छलफल हुने कार्यसूची रहेको छ।

बिहान ११ बजे बस्ने विधायन व्यवस्थापन समितिको बैठकमा तिलगंगा नेत्र विश्वविद्यालय विधेयक, २०८१ माथि दफाबार छलफल हुने संसद् सचिवालयले जनाएको छ।

प्रकाशित मिति: बुधबार, माघ ९, २०८१ ०८:५३

प्रतिक्रिया दिनुहोस्