खानेपानी संस्थाहरु करमुक्त हुनुपर्ने माग

पूर्वाधार

गृहपृष्ठ
पूर्वाधार

खानेपानी संस्थाहरु करमुक्त हुनुपर्ने माग

क्यापिटल नेपालबुधबार, माघ ९, २०८१

काठमाडौ। राष्ट्रिय साना सहरी खानेपानी तथा सरसफाइ उपभोक्ता महासंघले खानेपानीमन्त्री प्रदीप यादव र मन्त्रालयका सचिव प्रमिलादेवी शाक्य वज्राचार्यलाई ज्ञापनपत्र बुझाउँदै खानेपानी संस्थाहरु करमुक्त हुनुपर्ने माग राखेको छ।

महासंघ अध्यक्ष खेमराज वली नेतृत्वको टोलीले मन्त्री र सचिवलाई भेटेर जनताको पानी सरकारको लगानी भन्ने नारालाई सार्थक बनाउन आग्रह गरेको हो।

जलवायु परिवर्तन, जनसंख्या वृद्घि, सहरीकरणलगायतका विविध कारणले खानेपानीको स्रोत दिनप्रतिदिन घट्दै गएकाले भविष्यमा आउन सक्ने चुनौती सामना गर्न बेलैमा वैकल्पिक उपाय अपनाउनुपर्नेमा महासंघको जोड छ।

स्थानीय तहबाट देखाइएको उत्साहजनक सहभागिताका कारण साना सहरी÷सहरी÷सहलगानी लगायतका खानेपानी आयोजना दक्षिण एसियाकै नमुना खानेपानी आयोजनामा प्रमाणित भएकाले यिनको संरक्षण गर्न महासंघले ध्यानाकर्षण गराएको छ।

लगानी साझेदारीका सञ्चालित आयोजनाका कारण उपभोक्ता संस्था ऋणको भारमा थिचिएको सो ऋण मिनाहा गर्न अर्थ मन्त्रालयसँग समन्वय गरी दिन आग्रह गरेको छ।

खानेपानी प्रणाली सञ्चालन गर्दा खपत भएको विद्युत् राज्यबाट निःशुल्क व्यवस्था गर्नुपर्ने तथा खानेपानी बिमा बोर्डको अवधारणा ल्याई प्रिमियमबापतको रकम राज्यको दायित्वमा रहनुपर्नेमा जोड दिएको छ।

प्रकाशित मिति: बुधबार, माघ ९, २०८१ ०६:२३

प्रतिक्रिया दिनुहोस्