खानेपानीमन्त्री यादवसँग उपभोक्ता महासंघका चारवटा माग

पूर्वाधार

गृहपृष्ठ
पूर्वाधार

खानेपानीमन्त्री यादवसँग उपभोक्ता महासंघका चारवटा माग

क्यापिटल नेपालमंगलबार, माघ ८, २०८१

काठमाडौं। राष्ट्रिय साना शहरी खानोपनी तथा सरसफाइ उपभोक्ता महासंघले खानेपानीमन्त्री प्रदीप यादवसँग मंगलबार मन्त्रालयमा भेट गरेको छ।

महासंघका अध्यक्ष खेमराज वलीको नेतृत्वमा पुगेको महासंघको टोलीले मन्त्री यादवसँग भेट गरी हालै सरकारले ल्याएको अध्यादेशमा मन्त्रालयले सहलगानीमा उपभोक्ता संस्थाले लगाउनुपर्ने कूल लागतमा पुँजीको ३० प्रतिशतलाई घटाएर १५ प्रतिशतमा झारेकोमा धन्यवाद ज्ञापन गरेको छ।

जनताको पानी सरकारको लगानी भन्ने अभियानलाई मनन गर्दै उपभोक्ताको लगानी शून्य प्रतिशत हुनुपर्ने आफूहरुको मागमा मन्त्री सकारात्मक देखिएको अध्यक्ष वलीले जानकारी दिएका छन्।

यस्तै भेटमा चारवटा मागसमेत राखिएको छ। जसमा नेपालका खानेपानी संस्थाहरु करमुक्त हुनुपर्ने, हरेक नेपालीलाई स्वच्छ खानेपानी तथा सरसफाइ पहुँचको हकलाई पूर्ण कार्यान्वयन, हाल सञ्चालित लगानी साझेदारीका आयोजनाका कारण उपभोक्ता संस्थाहरु ऋणको मारमा परेकाले उक्त ऋण मिनाह गर्न माग गरिएको छ।

यस्तै खानेपानी प्रणाली सञ्चालन गर्दा खपत भएको विद्युत् राज्यका तर्फबाट नि:शुल्क हुनुपर्ने, छुट्टै खानेपानी बीमा बोर्डको अवधारणा ल्याउँदै प्रिमियम वापतको रकम राज्यको दायत्वबाट हुनुपर्ने र खानेपानी मन्त्रालयबाट प्रक्रिया पूरा गरी माग आएका आयोजनाहरुमा स्रोत सुनिश्चितता हुनुपर्ने माग राखिएको छ।

प्रकाशित मिति: मंगलबार, माघ ८, २०८१ १८:४१

प्रतिक्रिया दिनुहोस्