नेपाल फाइनान्स लिमिटेडको साधारण सभा सम्पन्न

कर्पोरेट बजार

गृहपृष्ठ
कर्पोरेट बजार

नेपाल फाइनान्स लिमिटेडको साधारण सभा सम्पन्न

क्यापिटल नेपालमंगलबार, माघ ८, २०८१

काठमाडौं– निजी क्षेत्रको लगानीबाट स्थापित पहिलो फाइनान्स कम्पनी नेपाल फाइनान्स कम्पनी लिमिटेडको ३२ औं वार्षिक साधारणसभा सम्पन्न भएको छ।

ललितपुरको जावलाखेलस्थित नेपाल प्रशासनिक प्रतिष्ठानमा मंगलबार साधारणसभा सम्पन्न भएको हो।

साधारण सभाले आर्थिक वर्ष २०८०/८१ को वार्षिक वित्तीय विवरण पारित गर्नुका साथै २०७०/८० को लेखा परीक्षक नियुक्ति गर्ने निर्णय पनि पारित गरेको छ।

यस्तै सर्वसाधारण शेयरधनीहरुको तर्फबाट सञ्चालक समितिमा प्रतिनिधित्व गर्ने सञ्चालक पदमा योगराज कँडेललाई निर्विरोध निर्वाचितसमेत गरेको छ।

साधारणसभाले विशेष प्रस्तावअन्तर्गत अन्य बैंक तथा वित्तीय संस्थालाई गाभ्ने/गाभिने तथा प्राप्ति गर्ने कार्यको लागि सञ्चालक समितिलाई पूर्ण अख्तियारीसमेत प्रदान गरेको छ।

सञ्चालक समितिका अध्यक्ष प्रा. हिरेन्द्रमान प्रधानको सभापतित्वमा साधारणसभा सम्पन्न भएको हो। प्रमुख कार्यकारी अधिकृत उद्ववराज थपलियाले प्रगति विवरणबारे स्पष्ट पारेका थिए।

प्रकाशित मिति: मंगलबार, माघ ८, २०८१ १७:४९

प्रतिक्रिया दिनुहोस्