ब्रिक्सले छुट्टै मुद्रा लागू गर्ने नीति जारी राखे शतप्रतिशत भन्सार शुल्क लगाउने ट्रम्पको चेतावनी

अन्तर्राष्ट्रिय

गृहपृष्ठ
अन्तर्राष्ट्रिय

ब्रिक्सले छुट्टै मुद्रा लागू गर्ने नीति जारी राखे शतप्रतिशत भन्सार शुल्क लगाउने ट्रम्पको चेतावनी

क्यापिटल नेपालमंगलबार, माघ ८, २०८१

एजेन्सी। अमेरिकी राष्ट्रपति डोनाल्ड ट्रम्पले फेरि एक पटक ब्रिक्स देशहरूलाई चेतावनी दिएका छन्। ब्रिक्सका सदस्य देशहरूले डलरबाट टाढिने र आफ्नो छुट्टै मुद्रा लागू गर्ने नीति जारी राखेमा अमेरिकासँगको व्यापारमा १०० प्रतिशत भन्सार शुल्क लगाउने चेतावनी दिएका हुन्।

‘ब्रिक्स राष्ट्रको रूपमा यदि उनीहरूले यसको बारेमा सोच्न मात्रै पनि खोजे भने उनीहरूलाई १०० प्रतिशत कर लाग्नेछ, र त्यसैले उनीहरूलाई यो योजनालाई तत्कालै छाड्न बाध्य हुनेछन्,’ ओभल अफिसमा आफ्नो कार्यकारी आदेशमा हस्ताक्षर समारोहका क्रममा सञ्चारकर्मीहरूसँग कुरा गर्दै राष्ट्रपति ट्रम्पले भने।

विश्वव्यापी व्यापारमा डलरको प्रयोगमा आएको कमीतर्फ संकेत गर्दै उनले यो कुरा बताएका हुन्। आफ्नो भनाइलाई धम्कीको रूपमा नभई यस विषयमा स्पष्ट अडानको रूपमा हेर्नुपर्ने ट्रम्पले बताएका छन्।

राष्ट्रपतिले यस विषयमा आफ्ना पूर्ववर्ती राष्ट्रपति बाइडेनले गरेका टिप्पणीहरूलाई पनि उल्लेख गरे। बाइडेनले यस विषयमा अमेरिका कमजोर स्थितिमा रहेको संकेत गरेका थिए। तर ट्रम्पले उनको कुरामा असहमति जनाएका छन्।

ब्रिक्स राष्ट्रहरूमा अमेरिकाको प्रभाव रहेको र उनीहरू आफ्नो योजना अगाडि बढाउन सक्षम नहुने कुरामा उनले जोड दिएका थिए। ब्रिक्सले त्यसो गर्न चाहे भने पनि केही नभएको तर अमेरिकासँगको व्यापारमा उनीहरूले आफ्ना सामानमा कम्तीमा सय प्रतिशत भन्सारको सामना गर्नु पर्ने उनले बताए। तर यो कुनै धम्की नभएकोमा उनले जोड दिएका थिए।

प्रकाशित मिति: मंगलबार, माघ ८, २०८१ १६:०८

प्रतिक्रिया दिनुहोस्