सिमेन्टको मूल्यवृद्धिबारे छलफल गर्न लेखा समितिले बोलायो उद्योगमन्त्री र सचिवलाई

उद्योग

गृहपृष्ठ
उद्योग

सिमेन्टको मूल्यवृद्धिबारे छलफल गर्न लेखा समितिले बोलायो उद्योगमन्त्री र सचिवलाई

क्यापिटल नेपालमंगलबार, माघ ८, २०८१

काठमाडौं। प्रतिनिधि सभाको सार्वजनिक लेखा समितिले उद्योग वाणिज्य तथा आपूर्तिमन्त्री दामोदर भण्डारीलाई छलफलका लागि बोलाएको छ।

मंगलबार बसेको समितिको बैठकले मन्त्री भण्डारीलाई सिमेन्टको मूल्यवृद्धिबारे छलफल गर्न बोलाएको हो। लेखा समितिका सभापति ऋषिकेश पोखरेलका अनुसार मन्त्रीसँगै सचिवलाई पनि बुधबार बिहान ११ बजे छलफलका लागि बोलाइएको हो।

सिमेन्ट उद्योगीहरुले अहिले प्रतिबोरा दुई सय ५० रुपैयाँसम्म बढाइएको छ। जसका कारण उपभोक्ता मारमा परिरहेका छन्। साथै निर्माण व्यवसायीहरुले पनि बढेको मूल्यमा सिमेन्ट खरिद गर्न नसक्ने भन्दै आन्दोलन घोषणा गरेका छन्।

केही दिनअघि सिमेन्ट उद्योगी र निर्माण व्यवसायीहरुसँग उद्योग मन्त्रालयले छलफल गरी सहमति गरे पनि त्यसले विवाद समाधान हुन सकेको छैन। सोही कारण पनि समितिले मन्त्री र सचिवलाई छलफलका लागि बोलाएको हो।

प्रकाशित मिति: मंगलबार, माघ ८, २०८१ १५:१९

प्रतिक्रिया दिनुहोस्