चन्द्र ढकालले ‘होम टाउन’ बागलुङमा सञ्चालनमा ल्याए ‘इला कम्फर्ट होटल’

पर्यटन

गृहपृष्ठ
पर्यटन

चन्द्र ढकालले ‘होम टाउन’ बागलुङमा सञ्चालनमा ल्याए ‘इला कम्फर्ट होटल’

क्यापिटल नेपालमंगलबार, माघ ८, २०८१

काठमाडौं। नेपाल उद्योग वाणिज्य महासंघ अध्यक्ष चन्द्रप्रसाद ढकालले गृहजिल्ला बाग्लुङमा पर्यटकीय होटल इला कम्फर्ट सञ्चालनमा ल्याएका छन्। गत सातादेखि सफ्ट ओपनिङ भएको होटलले धमाधम बुकिङ लिइरहेको छ।

३ रोपनीमा निर्माण भएको होटलमा ३० वटा कोठा छन्। होटलमा ५ देखि २४ हजारसम्मका रुम उपलब्ध छन्। एक रात डिलक्स रुमको ५ हजार, पेन्ट हाउसको २४ हजार पर्ने होटलले जनाएको छ। बाग्लुङमा पर्यटकका लागि सुविधासम्पन्न स्तरीय होटल अभाव हटाउन ढकालले गृहजिल्लामा होटल सञ्चालनमा ल्याएका हुन्।

आइएमई ग्रुपका अध्यक्षसमेत रहेका ढकालले पछिल्लो समय पर्यटन क्षेत्रमा लगानी विस्तार गरिरहेका छन्। चन्द्रागिरि केबलकार हुँदै मुलुकका विभिन्न ठाउँमा केबलकार, होटल निर्माण गरिरहेका ढकालले केही वर्षअघि मात्र पोखरामा ‘द लेकसाइड रिट्रिट’ सञ्चालनमा ल्याएका थिए। पश्चिम क्षेत्रलाई प्रतिनिधित्व गर्दै पोखरामा सुविधासम्पन्न रिसोर्ट सञ्चालन गरेकोे २ वर्षपछि गृहजिल्लामा नयाँ होटल सञ्चालनमा ल्याएका हुन्।

बैंक तथा वित्तीय संथा, केबलकार, जलविद्युत्, ट्राभल एजेन्सीलगायत क्षेत्रमा लगानी विस्तार गर्दै आएको आइएमई ग्रुपको मुख्य लगानीमा चन्द्रागिरि हिल्स रिसोर्ट सञ्चालनमा आइसकेको छ। यस्तै काठमाडौंको लाजिम्पाटमा तीन तारे स्तरको ‘ले हिमालय’ होटल सञ्चालनमा छ।

ग्रुपले देशका ७ वटै प्रदेशमा होटलसहितको केबलकार सञ्चालनका तयारी गरिरहेको छ। केही समयअघि मात्र मौलाकालीका केबलकार सञ्चालनमा ल्याइसकेको छ भने पाथीभरा केबलकार निर्माण तयारीमा जुटेको छ।

प्रकाशित मिति: मंगलबार, माघ ८, २०८१ १३:१०

प्रतिक्रिया दिनुहोस्