महालक्ष्मी विकास बैंकद्वारा सामाजिक उत्तरदायित्वका कार्यक्रम सम्पन्न

बैंकिङ

गृहपृष्ठ
बैंकिङ

महालक्ष्मी विकास बैंकद्वारा सामाजिक उत्तरदायित्वका कार्यक्रम सम्पन्न

क्यापिटल नेपालसोमबार, माघ ७, २०८१

काठमाडौं। महालक्ष्मी विकास बैंकले वित्तीय साक्षरताअन्तर्गत विभिन्न कार्यक्रम सम्पन्न गरेको छ। बैंकको मकवानपुरको पालुङ्ग शाखाअन्तर्गत थाहा नगरपालिका ११ मा रहेको कालिदेवी प्राथमिक विद्यालयमा अध्ययनरत ५५ जना विपन्न वर्गका विधार्थीलाई न्यानो कपडा उपलब्ध गराएको छ। जसमा उनीहरूलाई ज्याकेट वितरण गरिएको छ।

सर्वोदय परियोजना नामक गैरसरकारी संस्थासँगको समन्वयमा दृष्टिविहीन कलाकारको प्रतिभालाई उजागर गर्दै समावेशिता, विविधता र सिर्जनशिलतालाई प्रवद्र्धन गर्न आयोजित “अदृश्य मोतीहरू” नामक कार्यक्रम सञ्चालन गर्न आर्थिक सहयोग गरेको छ।

यस कार्यबाट अपाङ्गता भएका व्यक्तिको प्रतिभा खोजी गन सहयोग पुग्नुका साथै समावेशी समाज निर्माण गर्न सहयोग पुग्ने विश्वास बैंकले लिएको छ। यस्ता संस्थागत सामाजिक उत्तरदायित्व कार्यबाट समग्र आर्थिक तथा सामाजिक विकासमा टेवा पुग्ने विश्वास बैंकले लिएको छ ।

बैंकले हालै ग्राहकलाई अत्याधुनिक, सुरक्षित तथा सहज डिजिटल बैंकिङ्ग सुविधा उपलब्ध गराउन बैंकको नीतिबमोजिम मोबाइल एप्लिकेसनलाई परिष्कृत गर्दै “महालक्ष्मी स्मार्ट साथी” सञ्चालनमा ल्याएको छ।

प्रकाशित मिति: सोमबार, माघ ७, २०८१ १५:१८

प्रतिक्रिया दिनुहोस्