राष्ट्रिय स्तरका ८ विकास बैंकमा अधिकांशको प्रतिसेयर आम्दानी समान, कसको कति?

बैंकिङ

गृहपृष्ठ
बैंकिङ

राष्ट्रिय स्तरका ८ विकास बैंकमा अधिकांशको प्रतिसेयर आम्दानी समान, कसको कति?

क्यापिटल नेपालसोमबार, माघ ७, २०८१

काठमाडौं। राष्ट्रिय स्तरका आठ विकास बैंकमा अधिकांशको प्रतिसेयर आम्दानी समान स्थितिमा रहेको छ। बैंक तथा वित्तीय संस्थाले सार्वजनिक गरेको चालू आर्थिक वर्ष २०८१/८२ को दोस्रो त्रैमासिक वित्तीय विवरणअनुसार राष्ट्रिय स्तरका आठ विकास बैंकमध्ये अधिकांशको प्रतिसेयर आम्दानी समान देखिएको हो।

आठ विकास बैंकमध्ये सबैभन्दा बढी प्रतिसेयर आम्दानी रहेको गरिमा विकास बैंकको प्रतिसेयर आम्दानी १९.३४ रुपैयाँ छ। दोस्रोमा कामना सेवा विकास बैंकको प्रतिसेयर आम्दानी १८.३७ रुपैयाँ छ। गरिमाको प्रतिसेयर नेटवर्थ १५०.१६ रुपैयाँ छ भने कामना सेवा विकास बैंकको १५७.४६ रुपैयाँ छ।

मुक्तिनाथ विकास बैंकको प्रतिसेयर आम्दानी १४.२८ रुपैयाँ हुँदा प्रतिसेयर नेटवर्थ १५५.२८ रुपैयाँ छ। ज्योति, शाइन रेशुङ्गा र महालक्ष्मीको प्रतिसेयर आम्दानी समान १३ रुपैयाँ छ। सांग्रिला विकास बैंकको प्रतिसेयर आम्दानी ११.४६ रुपैयाँ हुँदा आठ विकास बैंकमध्येमा सबैभन्दा कम प्रतिसेयर आम्दानी लुम्बिनी विकास बैंकको ८.१५ रुपैयाँ छ।

खासगरी, प्रतिसेयर आम्दानीलाई लगानीकर्ताको वास्तविक आम्दानीका रुपमा लिइन्छ। बैंकले नाफा कमाए पनि प्रतिसेयर आम्दानी राम्रो नभएको खण्डमा त्यस्ता कम्पनीमा लगानीकर्ता आकर्षित हुँदैनन्। प्रतिसेयर आम्दानीलाई लगानीकर्ताले लगानी गर्न उपयुक्त छ वा छैन भनेर हेर्ने महत्वपूर्ण वित्तीय सूचकको रुपमा लिइन्छ।

पुस मसान्तसम्ममा राष्ट्रिय स्तरका आठ विकास बैंकको प्रतिसेयर आम्दानी र प्रतिसेयर नेटवर्थ
विकास बैंक प्रतिसेयर आम्दानी प्रतिसेयर नेटवर्थ

473696463_1141195567717681_4067342386344128072_n-1737361480.jpg