काठमाडौं। कमना सेवा विकास बैंकको नाफा साढे २४ प्रतिशतले वृद्धि भएको छ। बैंकले गत वर्षको दोस्रो त्रैमासको तुलनामा चालु वर्षको सोहीअवधिमा २४.५५ प्रतिशतले खुद नाफा वृद्धि गरेको हो।
गत वर्षको पुस मसान्तसम्म बैंकले २५ करोड ८९ लाख रुपैयाँ खुद नाफा कमाएको थियो। चालु वर्षको साही अवधिमा बैंकले नाफामा बढाएर ३२ करोड २४ लाख रुपैयाँ कायम गरेको छ।
बैंकद्वारा प्रकाशित चालु वर्षको दोस्रो त्रैमासको अपरिष्कृत वित्तीय विवरणअनुसार बैंकले उक्त अवधिमा ३७ करोड ५५ लाख रुपैयाँ कमाएको छ। गत वर्षको वितरणयोग्य नाफाको तुलनामा यो ११५.२० प्रतिशत बढी हो।
गत वर्षको सोहीअवधिमा बैंकले १७ करोड ४५ लाख रुपैयाँ वितरणयोग्य नाफा आर्जन गरेको थिायो। चालु वर्षको दोस्रो त्रैमासमा बैंकले आर्जन गरेको वितरणयोग्य नाफाबाट बैंकले सेयरधनीलाई २१.४० प्रतिशत लाभांश वितरणको क्षमता राख्छ।
समीक्षा अवधिमा बैंकले ६१ अर्ब ५ करोड रुपैयाँ निक्षेप संकलन गरी ४८ करोड ७८ लाख रुपैयाँ कर्जा प्रवाह गरेको छ। जसबाट बैंकले १ अर्ब ८ करोड रुपैयाँ खुद ब्याज आम्दानी गरेको छ।
साथै, बैंकले चालु वर्षको दोस्रो त्रैमासमा १ अर्ब ९ करोड खुद संचालन मुानाफा गरेको छ। यसैगरी, चालु वर्षको पुस मसान्तसम्म बैंकको निष्कृय कर्जा अनुपात (एनपिएल) ४.३५ प्रतिशत, क्यापिटल फण्ड १२.५९ प्रतिशत, कर्जा निक्षेपअनुपात (सिडी रेसियो) ५.९९ प्रतिशत, बेसरेट ७.७२ प्रतिशत, स्प्रेडरेट ४.५९ प्रतिशत रहेको छ।
साथै समीक्षा अवधिमा बैंकको प्रतिसेयर आम्दानी १८ रुपैयाँ ३७ पैसा, प्रतिसेयर नेटवर्थ १ सय ५७ रुपैयाँ ४६ पैसा र तरलता अनुापात २२.९३ प्रतिशत रहेको छ।
प्रमुख कार्यकारी अधिकृत (सिइओ)मा प्रभु बैंकबाट दिनेश थकाली पुगेपछि बैंकले राम्रो पफर्मेन्स गर्न थालेको पाइन्छ। थकाली २०८० वैशाखमा बैंकको व्यवस्थापन सम्हाल्न पुगेका हुन्। गत वर्षको दोस्रो त्रैमासमा समेत अघिल्लो वर्षको तुलनामा राम्रो प्रगति गरेको थियो।
