अमेरिकी राष्ट्रपति ट्रम्पले शपथ लिँदै, १५० वर्षपछि विदेशी नेताको जमघट

अन्तर्राष्ट्रिय

गृहपृष्ठ
अन्तर्राष्ट्रिय

अमेरिकी राष्ट्रपति ट्रम्पले शपथ लिँदै, १५० वर्षपछि विदेशी नेताको जमघट

क्यापिटल नेपालसोमबार, माघ ७, २०८१

काठमाडौं। अमेरिकाका नवनिर्वाचित राष्ट्रपति डोनाल्ड ट्रम्पले आज पद तथा गोपनीयताको शपथ लिँदै छन्। तर, वासिंगटन डिसीमा कडा चिसोको कारण क्यापिटल रोटुन्डाको बन्दकोठाभित्र नवनिर्वाचित राष्ट्रपतिलाई शपथ खुवाइन लागेको अन्तर्राष्ट्रिय सञ्चार माध्यमले जनाएका छन्।

सन् १९८५ पछि पहिलो पटक अमेरिकी राष्ट्रपतिको शपथ समारोह घरभित्रै हुन लागेको हो। वासिङ्टनको तापक्रम सोमबार (जनवरी २०) मा माइनस १० डिग्री सेल्सियस पुग्ने अनुमान गरिएकाले शपथ बन्दकोठामा लिन लागिएको हो।

१५० वर्षमा पहिलो पटक अमेरिकी राष्ट्रपतिको शपथ समारोहमा विदेशी नेता सहभागी हुनेछन्। ट्रम्पले चिसो मौसमका कारण क्यापिटल रोटुन्डामा शपथ समारोह आयोजना गर्न आदेश दिएको पुष्टि गरेका छन्।

राष्ट्रपतिको सम्बोधनका साथै अन्य भाषण भवनबाहिर नभई युएस क्यापिटलको रोटुन्डाभित्र हुनेछ। उद्घाटन परेड पनि लगभग १.६ किलोमिटर टाढा वाशिङ्टनको क्यापिटल वन एरेनामा हुनेछ। पछिल्लो पटक शपथ समारोह पूर्वरिपब्लिकन राष्ट्रपति रोनाल्ड रेगनको दोस्रो कार्यकालको लागि घरभित्रैै आयोजित गरिएको थियो।

ट्रम्पले ऐतिहासिक कार्यक्रमलाई प्रत्यक्ष हेर्न र राष्ट्रपतिको परेड आयोजना गर्न सोमबार क्यापिटल वन एरिना खोल्ने बताए। ‘म मेरो शपथपछि क्यापिटल वनमा भीडमा सामेल हुनेछु,’ उनले भनेका छन्।

ट्रम्पले आफ्नो पोस्टमा क्यापिटल वन एरिनामा दिउँसो ३ बजेको लागि निर्धारित विजय र्यालीसहित अन्य सबै कार्यक्रम सञ्चालन गरिने जनाएका छन्।-एजेन्सीकाे सहयाेग

प्रकाशित मिति: सोमबार, माघ ७, २०८१ ०७:३८

प्रतिक्रिया दिनुहोस्