सिमेन्ट उत्पादक र निर्माण व्यवसायीहरुबीच सहमति

उद्योग

गृहपृष्ठ
उद्योग

सिमेन्ट उत्पादक र निर्माण व्यवसायीहरुबीच सहमति

क्यापिटल नेपालआइतबार, माघ ६, २०८१

काठमाडौं– नेपाल सिमेन्ट उत्पादक संघ र नेपाल निर्माण व्यवसायी महासंघसहित चारवटा निर्माण व्यवसायसँग सम्बन्धित व्यवसायीका प्रतिनिधिहरुबीच औद्योगिक उत्पादन र विकास निर्माणका काममा सँगसँगै अघि बढ्ने विषयमा सहमति भएको छ।

आइतबार उद्योग वाणिज्य तथा आपूर्ति मन्त्री दामोदर भण्डारी र वाणिज्य आपूर्ति तथा उपभोक्ता संरक्षण विभागका महानिर्देशक राजन पौडेलको उपस्थितिमा उक्त सहमति भएको हो।

छलफलमा सिमेन्ट उत्पादक संघ, निर्माण व्यवसायी महासंघसहित ४ वटा निर्माण व्यवसायसँग सम्बन्धित व्यवसायीहरुको उपस्थिति रहेको थियो।

उक्त छलफलपछि सिमेन्ट उद्योगहरुले उत्पादन गरी मागअनुसार सिमेन्ट सहजै आपूर्ति हुनेगरी उत्पादनमा ध्यान दिने, उद्योगहरुमा भइरहेको विद्युत् आपूर्तिको कटौती र लोडसेडिङलाई अन्त्य गरी निर्वाध रुपमा उद्योग सञ्चालन गर्ने वातावरण मिलाउने सम्बन्धमा मन्त्रालयले आवश्यक पहल गर्ने सहमति भएको छ।

यस्तै उद्योगीहरु र निर्माण व्यवसायीले एक अर्काका समस्या मनन गर्दै आ–आफ्नो स्थानबाट समन्वय र समझदारी विकास गर्दै उत्पादन र विकास निर्माणका काममा सँगै अघि बढ्ने लगायतका विषयमा सहमति भएको छ।

प्रकाशित मिति: आइतबार, माघ ६, २०८१ १९:१५

प्रतिक्रिया दिनुहोस्