असोज बाढीले क्षतिग्रस्त बिपी राजमार्गमा यात्रुलाई सास्ती (तस्बिरसहित)

फोटो फिचर

गृहपृष्ठ
फोटो फिचर

असोज बाढीले क्षतिग्रस्त बिपी राजमार्गमा यात्रुलाई सास्ती (तस्बिरसहित)बिपी राजमार्ग (धुलिखेल–सिन्धुली–बर्दिबास)को कटुञ्जेबेंसी, मंगलटार, नेपालथोक क्षेत्रमा दैनिक यात्रा गर्ने यात्रुले सास्ती भोगिरहेका छन्। रोशीखोला बाढीले राजमार्गमा क्षति पुगेपछि निर्माण गरिएको डाइभर्सन सडक कच्ची र धुलाम्य हुँदा यात्रुले सास्ती भोग्नुपरेको हो।

क्यापिटल नेपालशनिबार, माघ ५, २०८१

गत असोज दोस्रो साताको बाढीपहिराले क्षति पुर्याएको बिपी राजमार्ग (धुलिखेल–सिन्धुली–बर्दिबास)को कटुञ्जेबेंसी, मंगलटार, नेपालथोक क्षेत्रमा दैनिक यात्रा गर्ने यात्रुले सास्ती भोगिरहेका छन्। रोशीखोला बाढीले राजमार्गमा क्षति पुगेपछि निर्माण गरिएको डाइभर्सन सडक कच्ची र धुलाम्य हुँदा यात्रुले सास्ती भोग्नुपरेको हो।

क्षतिग्रस्त राजमार्ग कहिले बन्ने सरकारी स्तरको निर्णय र आर्थिक सहायताबिना बन्ने सम्भावना भने कम छ। राजमार्गको विभिन्न खण्डको पुनर्निर्माणका लागि करिब ९ अर्ब ६६ करोड रुपैयाँ लागत अनुमान सरकारले गरेको छ।

डिभिजन सडक कार्यालय भक्तपुरले बिपी राजमार्गअन्तर्गत भकुण्डेबाट नेपालथोकसम्मको विभिन्न खण्डमा पुनर्निर्माण गर्न सो रकम खर्च हुने अनुमान गरेको भए पनि पुनर्निर्माणका लागि अझै स्रोत सुनिश्चित भएको छैन।

राजमार्गअन्तर्गत काभ्रेपलाञ्चोकको नमोबुद्धस्थित चौकीडाँडाबाट रोशी गाउँपालिकाको कालढुङ्गासम्म १२ किलोमिटर सडकखण्डमध्ये ८ किलोमिटर सडक पूर्ण रूपमा क्षति पुगेको थियो।

जापान सरकारको अनुदान सहयोगमा आर्थिक वर्ष २०५३/५४ देखि बिपी राजमार्ग ९धुलिखेल-सिन्धुली-बर्दिबास १६० किमि सडक निर्माण सुरु गरिएको थियो। खण्ड खण्ड विभाजन गरी २०७२ असार १८ गते निर्माण सम्पन्न गरी औपचारिक रूपमा जापानले नेपाल सरकारलाई हस्तान्तरण गरेको थियो।

BP-Highway,-Flood-Damaged-21-1737176037.jpg