क्रेस्ट माइक्रो इन्स्योरेन्स र ओम मेगाश्री फार्मासिटिकल्सले पाए आईपीओ बिक्री अनुमति

सेयर

गृहपृष्ठ
सेयर

क्रेस्ट माइक्रो इन्स्योरेन्स र ओम मेगाश्री फार्मासिटिकल्सले पाए आईपीओ बिक्री अनुमति

क्यापिटल नेपालशनिबार, माघ ५, २०८१

काठमाडौं। नेपाल धितोपत्र बोर्ड (सेबोन) ले लामो समयदेखि रोकिँदै आएको साधारण सेयर निष्कासन अनुमति प्रक्रिया सुरु गरेको छ। नियामक बोर्डले दुई कम्पनीलाई साधारण सेयर बिक्रीका लागि पछिल्लो पटक अनुमति दिएको हो।

बोर्डले क्रेस्ट माइक्रो लाइफ इन्स्योरेन्स लिमिटेड र ओम मेगाश्री फार्मासिटिकल्सलाई साधारण शेयर बिक्रीका लागि अनुमति दिएको छ।

बोर्डले क्रेष्ट माइक्रो लाइफ इन्स्योरेन्सलाई २२ करोड ५० लाख मूल्य बराबरको २२ लाख ५० हजार कित्ता साधारण सेयर बिक्री लागि माघ ३ गते अनुमति दिएको हो।सो कम्पनीको सेयर बिक्री प्रबन्धकमा एनआइएमबी एस क्यापिटल रहेको छ।

यस्तै, बोर्डले ओम मेगाश्रीलाई १८ करोड बराबरको १८ लाख कित्ता साधारण सेयर बिक्रीका लागि अनुमति दिएको छ।

सो कम्पनीको सेयर बिक्री प्रबन्धकमा प्रभु क्यापिटल रहेको छ। बोर्डले दुई वटा कम्पनीको ८५ करोड ५० लाख मूल्य बराबरको ८५ लाख ५० हजार कित्ता साधाण सेयर बिक्रीका लागि अनुमति दिएको हो।

बोर्डले साना तथा मझौला संगठित संस्थाको धितोपत्र निष्कासन तथा कारोबार नियमावली लागू गरेको छ। सो नियमावली लागू भएसँगै साना तथा मझौला संस्थालाई साधारण सेयर बिक्रीका लागि मार्ग प्रशस्त भएको छ। शेयर बजारको विस्तारका लागि यो नियमावली महत्वपूर्ण रहेको छ।

बोर्डमा हालसम्म ५१ अर्ब ११ करोड २४ लाख एक हजार ६ सय ३२ मूल्य बराबरको ३५ करोड ५० लाख ३७ हजार दुई सय ८५ कित्ता साधारण सेयर बिक्री आवेदन परेको छ।

प्रकाशित मिति: शनिबार, माघ ५, २०८१ ०७:२३

प्रतिक्रिया दिनुहोस्