तीन अर्ब ५० करोड लगानी गरेर आयल निगमको धनगढी डिपो गोदावरी सारिँदै

पूर्वाधार

गृहपृष्ठ
पूर्वाधार

तीन अर्ब ५० करोड लगानी गरेर आयल निगमको धनगढी डिपो गोदावरी सारिँदै

क्यापिटल नेपालबुधबार, माघ २, २०८१

काठमाडौँ। नेपाल आयल निगमले धनगढीस्थित सुदूपश्चिमाञ्चम प्रादेशिक डिपो कैलालीको गोदावरी नगरपालिकामा सार्ने भएको छ। डिपो सार्नका लागि गोदावरीमा २० बिघा १६ कठ्ठा आठ धुर जग्गा पहिचान गरिएको निगमले जनाएको छ।

आज आयोजित पत्रकार सम्मेलनमा निगमको भण्डारण क्षमता अभिवृद्धि परियोजना संयोजक प्रदीपकुमार यादवले डिपो सार्न जग्गा प्राप्ति प्रक्रिया अघि बढाउन सिफारिस गरिएको जानकारी दिए। उनले हाल धनगढी उपमहानगरको चटकपुरस्थित डिपो घना बस्तीबीचमा रहनुका साथै अन्तर्राष्ट्रिय मापदण्ड पूरा गर्न जग्गा साँघुरो भएकाले सुरक्षित स्थानमा सार्नु परेको बताए।

आगामी चैतभित्र जग्गा अधिग्रहण सम्पन्न हुने र आगामी वैशाख पहिलो साता डिपो शिलान्यास गरिने निगमको योजना छ। विसं २०८४ वैशाखभित्र नयाँ डिपो सञ्चालनमा ल्याइने छ।

जग्गा अधिग्रहण र डिपो निर्माणका लागि तीन अर्ब ५० करोड लागत लाग्ने अनुमान गरिएको छ। काठमाडौं विश्वविद्यालयले डिपोको विस्तृत परियोजना प्रस्ताव (डीपीआर) निर्माण गर्ने आयल निगमले जनाएको छ।

प्रकाशित मिति: बुधबार, माघ २, २०८१ १७:२३

प्रतिक्रिया दिनुहोस्