सेयर बजारमा झिनो सुधार, बढी सेयर कारोबार हुने कम्पनी कुन?

सेयर

गृहपृष्ठ
सेयर

सेयर बजारमा झिनो सुधार, बढी सेयर कारोबार हुने कम्पनी कुन?

क्यापिटल नेपालबुधबार, माघ २, २०८१

काठमाडौँ। नेपाल स्टक एक्सचेञ्ज (नेप्से) परिसूचकमा झिनो सुधार भएको छ। आज नेप्से परिसूचक १ दशमलव ८३ अंकले बढेर २ हजार ५९५ दशमलव ९६ को विन्दुमा पुगेको हो।

कूल २९९ कम्पनीको सेयर ६३ हजार ३७७ पटक खरिदबिक्री हुँदा पाँच अर्ब ८२ करोड ४९ लाख रुपैयाँ बराबरको कारोबार भएको छ। आजको कारोबारमा बैंकिङ समूह ०.८१, वित्त ३.४८, लगानी ०.०७, लघुवित्त ०.५२, म्युचुअल फण्ड ०.१७ र निर्जीवन बिमा ०.४१ प्रतिशतले घटेको छ। बाँकी सबै समूहको उपसूचक बढेको छ।

विकास बैंक १.०८, होटल तथा पर्यटन १.६३, जलविद्युत् १.७६, जीवन बिमा ०.०८, उत्पादन तथा प्रशोधन ०.४८, व्यापार ०.०१ र अन्य समूह ०.०४ प्रतिशतले बढेको छ। डोल्टी पावर कम्पनी लिमिटेडको सेयर मूल्यमा सकारात्मक सर्किट लागेको छ भने न्यादी हाइड्रोपावर लिमिटेडको सेयर मूल्यमा नकारात्मक सर्किट लागेको छ।