६५ लाख धरौटी बुझाएर ८४ दिनपछि हिरासत मुक्त भए रवि

राजनीति

गृहपृष्ठ
राजनीति

६५ लाख धरौटी बुझाएर ८४ दिनपछि हिरासत मुक्त भए रवि

क्यापिटल नेपालबिहीबार, पुस २५, २०८१

काठमाडौं। ६५ लाख रुपैयाँ बैंक ग्यारेन्टी राखेर ८४ दिनपछि राष्ट्रिय स्वतन्त्र पार्टीका सभापति रवि लामिछाने कास्की प्रहरीको हिरासतबाट मुक्त भएका छन्।

सूर्यदर्शन सहकारी ठगी प्रकरणका अभियुक्त लामिछानेलाई जिल्ला अदालत कास्कीका न्यायाधीश नीतिज राईको इजलासले धरौटीमा छाड्न आदेश दिएको थियो।

तर, उनीमाथि वित्तीय अपराध कायमै हुने भएको छ। अदालतमा परेको मुद्दाको अन्तिम फैसला आउन बाँकी भएकाले उनी आदेशपछि बैंक ग्यारेन्टीमार्फत धरौटी रकम बुझाएर रिहा भएका हुन् ।

पूर्वगृहमन्त्रीसमेत रहेका लामिछानेलाई प्रहरीले कात्तिक २ गते राति काठमाडौंस्थित पार्टी कार्यालयबाट पक्राउ गरी पोखरा लगिएको थियो। यसैबीच प्रहरीले उनलाई बयानका लागि काठमाडौंसहित ५ जिल्लामा लगिएको थियो।

लामो अनुसन्धानपछि सरकारी वकिलको कार्यालयले पुस ७ गते उनीविरुद्ध सहकारी ठगी, सम्पत्ति शुद्धीकरण र संगठित अपराध गरी तीनवटा मुद्दा दर्ता गराएको थियो।

प्रकाशित मिति: बिहीबार, पुस २५, २०८१ २०:४१

प्रतिक्रिया दिनुहोस्