ग्लोबल आइएमई बैंकले वार्षिकोत्सव अवसरमा १८ हजार बिरुवा रोप्ने

कर्पोरेट बजार

गृहपृष्ठ
कर्पोरेट बजार

ग्लोबल आइएमई बैंकले वार्षिकोत्सव अवसरमा १८ हजार बिरुवा रोप्ने

क्यापिटल नेपालमंगलबार, पुस २३, २०८१

काठमाडौं। ग्लोबल आइएमई बैंकले १८औं वार्षिकोत्सव अवसरमा संस्थागत सामाजिक उत्तरदायित्वअन्तर्गत चालू आर्थिक वर्षमा १८ हजार वृक्षारोपण गर्ने घोषणा गरेको छ । बैंक पुस १८ देखि स्थापनाको १९ वर्ष प्रवेश गरेको छ।

बैंकले चालू आर्थिक वर्षमा देशका विभिन्न स्थानमा स्थानीय संघसंस्थासँगको सहकार्यमा १८ हजार बिरूवा राेप्नने भएकाे हाे।

बैंकका प्रमुख कार्यकारी अधिकृत सुरेन्द्रराज रेग्मीले बैंकको वार्षिकोत्सव अवसरमा अनामनगरस्थित बैंक कार्यालय परिसरमा विभिन्न बिरुवा रोपण गरी उक्त अभियान सुरू गरे। रेग्मीले वृक्षारोपण चालू आर्थिक वर्षभर सञ्चालन गरिने बताए।

हाल बैंकले ३५५ शाखा, ३८४ एटिएम, २३७ शाखारहित इकाइ, ६८ एक्सटेन्सन तथा राजस्व संकलन काउन्टर तथा ३ वटा वैदेशिक प्रतिनिधि कार्यालयबाट बैंकिङ सेवा दिँदै आएको छ।

प्रकाशित मिति: मंगलबार, पुस २३, २०८१ १७:४५

प्रतिक्रिया दिनुहोस्