चीनमा भूकम्प गएपछि सगरमाथा क्षेत्र बन्द, मृतक संख्या ९५ पुग्याे

अन्तर्राष्ट्रिय

गृहपृष्ठ
अन्तर्राष्ट्रिय

चीनमा भूकम्प गएपछि सगरमाथा क्षेत्र बन्द, मृतक संख्या ९५ पुग्याे

क्यापिटल नेपालमंगलबार, पुस २३, २०८१

काठमाडौं। चीनमा मंगलबार बिहान सिचाङ स्वायत्त क्षेत्रको डिङ्ग्री काउन्टीमा गएको ६.८ म्याग्निच्युडको भूकम्पपछि माउन्ट कोमोलाङ्मा क्षेत्र अस्थायी रूपमा बन्द गरिएको छ। यो क्षेत्र चीनतर्फ सगरमाथा क्षेत्र पर्दछ।

हालसम्म भूकम्पमा परी ५३ जनाको मृत्यु भएको छ। घटनामा ६२ जना घाइते भएको क्षेत्रीय प्रकोप राहत मुख्यालयले जनाएको छ।

डिङ्ग्री संस्कृति तथा पर्यटन ब्यूरोका अनुसार कोमोलाङ्मा क्षेत्रमा होटल भवन र वरपरको क्षेत्र अस्तव्यस्त रहेको र पर्यटक तथा कर्मचारी सुरक्षित रहेका छन्।

डिङ्ग्रीमा रहेको चाइनिज एकेडेमी अफ साइन्सेजको किमोलुङ स्टेशनको विद्युत् कटौती भएको छ। मौसम पूर्वानुमान महाशाखाले डिङ्ग्रीको तापक्रम माइनस १८ डिग्री सेल्सियसदेखि शून्यभन्दा तलसम्म रहेको जनाएको छ।

चीनमा आज बिहान गएको भूकम्पमा परी मृत्यु हुनेको संख्या ९५ पुगेको छ भने १३० जना घाइते भएका छन्। चिनियाँ समाचार संस्था साउथ चाइना मर्निङ पोस्टले भूकम्पबाट ज्यान जानेको संख्या ९५ पुगेको तिब्बतस्थित क्षेत्रीय विपद् राहत मुख्यालयलाई उद्धृत गर्दै समाचार लेखेको छ।

प्रकाशित मिति: मंगलबार, पुस २३, २०८१ १४:०९

प्रतिक्रिया दिनुहोस्