चार पटक गरेर रवीले विदेशमा कसलाई पठाए ७५ लाख रुपैयाँ?

राजनीति

गृहपृष्ठ
राजनीति

चार पटक गरेर रवीले विदेशमा कसलाई पठाए ७५ लाख रुपैयाँ?

क्यापिटल नेपालआइतबार, पुस २१, २०८१

काठमाडौं । सहकारी ठगी प्रकरणमा पक्राउ गरेर अनुुसन्धान जारी रहेका राष्ट्रिय स्वतन्त्र पार्टी (रास्वपा)का सभापति रवि लामिछानेले ७५ लाख १० हजार २ रुपैयाँ ६ पैसा रेमिट्यान्स मार्फत विदेशमा भुक्तानी गरेका छन् ।

पूर्वउपप्रधान तथा गृहमन्त्री समेत रहेका लामिछानेले विभिन्न १० पटकमा उक्त रकम विदेश (अमेरिका) मा पठाएको पाइएको छ । स्वर्णलक्ष्मी सहकारी ठगी प्रकरणमा प्रहरीले गरेको अनुसन्धानबाट यस्तो खुल्न आएको हो । उनले नौ महिनाको अवधिमा ७५ लाख १० हजार २ रुपैयाँ ६ पैसा विदेशमा पठाएका हुन् । उनले उक्त रकम चार पटकको अवधिमा पठाएको काठमाडौं जिल्ला अदालतमा दायर भएको मुद्दामा उल्लेख छ ।

जसमा उनले सन् २०२१ नोभेम्बर ९ मा १७ लाख ८६ हजार ५६४ रुपैयाँ, सन् २०२२ मार्च १३ मा २२ लाख १६ हजार ७२२ रुपैयाँ पठाएको पाइएको छ । सन् २०२२ मार्च २७ मा २१ लख ९५ हजार १०० रुपैयाँ, सन् २०२२ सेप्टेम्बरमा १३ लाख ११ हजार ६१६ रुपैयाँ पठाएका छन् । उनले उक्त रकम अमेरिकामा रहेकी जेठी श्रीमती र छोरीका लागि पठाएको बताइएको छ ।

प्रकाशित मिति: आइतबार, पुस २१, २०८१ १७:४५

प्रतिक्रिया दिनुहोस्