सहकारी ठगी : रविविरुद्ध काठमाडौंमा पनि मुद्दा दायरको तयारी

समाज

गृहपृष्ठ
समाज

सहकारी ठगी : रविविरुद्ध काठमाडौंमा पनि मुद्दा दायरको तयारी

क्यापिटल नेपालआइतबार, पुस २१, २०८१

काठमाडौं। रवि लामिछानेविरुद्ध काठमाडौंमा मुद्दा दायर हुने भएको छ। कालीमाटीस्थित स्वर्णलक्ष्मी सहकारीको बचत हिनामिना गरेको आरोपमा आज उनीविरुद्ध काठमाडौंमा पनि मुद्दा दायरको तयारी भएको हो।

जिल्ला प्रहरी परिसर काठमाडौंको अनुसन्धान प्रतिवेदनअनुसार पूर्वगृहमन्त्री तथा राष्ट्रिय स्वतन्त्र पार्टीका सभापति लामिछानेविरुद्ध सरकारी वकिल कार्यालयले मुद्दा दायर गर्न लागेको हो।

स्वर्णलक्ष्मी सहकारीबाट एक अर्ब १९ करोड बचत हिनामिना भएको भन्दै प्रहरीले लामिछानेसहित ४४ जनाविरुद्ध मुद्दा चलाउन सिफारिस गरेको थियो। बचतकर्ताले सहकारीबाट एक अर्ब १९ करोड रुपैयाँ ठगी भएको जाहेरी दिएका थिए।

लामिछाने अहिले कास्की प्रहरीको हिरासतमा छन्। उनीविरुद्ध पोखराको सूर्यदर्शन सहकारीको बचत हिनामिनामा मुद्दा दायर भई अदालतमा बहस चलिरहेको छ।

करिब एक महिनाअघि पोखराबाट काठमाडौं ल्याएर लामिछानेसहित पूर्वडीआईजी छविलाल जोशीलगायतसँग प्रहरीले बयान लिएको थियो। स्वर्णलक्ष्मी सहकारीबाट पनि गोर्खा मिडियामा गैरकानुनी रूपमा पैसा गएको प्रहरीको ठहर छ।

प्रकाशित मिति: आइतबार, पुस २१, २०८१ १४:१७

प्रतिक्रिया दिनुहोस्