बुल्दी खोला पुल निर्माण ७५ प्रतिशत सम्पन्न

पूर्वाधार

गृहपृष्ठ
पूर्वाधार

बुल्दी खोला पुल निर्माण ७५ प्रतिशत सम्पन्न

क्यापिटल नेपालशनिबार, पुस २०, २०८१

तनहुँ। जिल्लाको व्यास नगरपालिका–१ र २ जोड्ने गरी कराङकाठ–बसपार्क जाने बुल्दी खोलामा निर्माणाधीन पुल निर्माणले गति लिएको छ।

निर्माण कम्पनी ज्वालामुखी कन्स्ट्रक्सनले नौ महिनामा ७५ प्रतिशत भौतिक प्रगति गरेको हो। आगामी भदौ २२ गतेभित्र निर्माण सम्पन्न गर्ने गरी निर्माण कम्पनीसँग सम्झौता भए पनि समयभन्दा अघि नै पुल निर्माण गर्ने तयारी भइरहेको व्यास नगरपालिकाले जनाएको छ।
सम्झौता मितिभन्दा ६ महिनाअगावै फागुनसम्म निर्माण सम्पन्न गर्ने लक्ष्य राखिएको व्यास नगरपालिकाका योजना शाखा अधिकृत तिवारीले बताए।

पुल निर्माणका लागि व्यास नगरपालिकाको समपूरक योजनाअन्तर्गत रु छ करोड ११ लाख तीन सय २४ बजेट विनियोजन भएको थियो । कम्पनीले निर्माणलाई निरन्तरता दिएकाले छोटो अवधिमा उल्लेखनीय प्रगति हासिल गरेको छ । उहाँका अनुसार यस पुलको २५ मिटर लम्बाइ र आठ दशमलव ४० मिटर चौडाइको रहेको छ।

हाल पुल निर्माण गरिएको स्थान नजिक कजवेबाट पाइप राखेर बनाइएको अस्थायी संरचना सवारीसाधान आवतजावत हुँदै आएको थियो। पुल बनेपछि आवागमन सहज हुनुका साथै खोला किनारका करिब एक सय घर संरक्षणमा सहयोग पुग्ने सामुदायिक टोल विकास संस्था कराङकाठ बसपार्कका अध्यक्ष सोमनाथ पौडेलले जानकारी दिए।–रासस

प्रकाशित मिति: शनिबार, पुस २०, २०८१ १७:३३

प्रतिक्रिया दिनुहोस्