देशभर आवास तथा भोजनगृहमा २ खर्ब १६ अर्ब लागत, कुल सम्पत्ति कति?

अर्थतन्त्र

गृहपृष्ठ
अर्थतन्त्र

देशभर आवास तथा भोजनगृहमा २ खर्ब १६ अर्ब लागत, कुल सम्पत्ति कति?

क्यापिटल नेपालबुधबार, पुस १७, २०८१

काठमाडौं। नेपालभर एक लाख ४२ हजारभन्दा बढी भोजन सेवा संलग प्रतिष्ठान रहेको तथ्यांक सार्वजनिक भएको छ। राष्ट्रिय तथ्यांक कार्यालयले गरेको राष्ट्रिय होटल तथा रेष्टुरेन्ट सर्वेक्षेणले करिब डेढ लाख आवास तथा भोजन सेवासँग प्रतिष्ठान रहेको जनाएको हो।

सञ्चालनमा रहेका आवास तथा भोजन सेवासँग सम्बन्धित प्रतिष्ठानको संख्या १ लाख ४२ हजार २२३ रहेको सर्वेक्षणमा जनाएको छ। यसमध्ये सबैभन्दा बढी बागमती प्रदेशमा ५२ हजार बढी प्रतिष्ठान छ। सबैभन्दा कम कर्णाली प्रदेशमा ७ हजार ११० प्रतिष्ठान मात्रै छन्।

सर्वेक्षणको नतिजाअनुसार प्रतिष्ठानमा संलग्न व्यक्तिहरूको संख्या ३ लाख ८७ हजार ७४७ रहेको छन्। यो संख्या आवास तथा भोजन सेवा प्रदान गर्नेको संख्या हो। जसमा सक्रिय रुपले कार्यरत व्यवसायी तथा साझेदार, बेतलबी पारिवारिक सदस्यहरू र तलबी रोजगार व्यक्तिलाई जनाइएको छ।

सर्वेक्षणको नतिजाअनुसार आवास तथा भोजन सेवा प्रदान गर्ने प्रतिष्ठानमा रोजगार व्यक्तिको संख्या १ लाख ६ हजार ४५९ रहेको छ। जसका लागि प्रतिष्ठानहरूले तलब तथा सेवा सुविधाका रुपमा करिब २० अर्ब ६१ करोड ५० लाख रुपैयाँ खर्च गरेको देखिन्छ।

यी आवास तथा प्रतिष्ठानमा करिब २ खर्ब १६ अर्ब ७३ करोड ८३ लाख मूल्य बराबरको रकम लागतको रुपमा खर्च गरी करिब ३ खर्ब २६ अर्ब १ करोड ४ लाख मूल्य बराबरको सेवा उत्पादन गरेको देखिन्छ। यस हिसाबले आवास तथा भोजन सेवा प्रदान गर्ने प्रतिष्ठानले देशको अर्थतन्त्रमा करिब १ खर्ब ९ अर्ब २७ करोड १ लाख बराबरको मूल्य अभिवृद्धि गरेको तथ्यांकमा उल्लेख छ।

यस्तै, आवास तथा भोजन प्रतिष्ठानमा करिब ५ खर्ब ४३ अर्ब २५ करोड ८२ लाख मूल्य बराबरको स्थायी सम्पत्ति रहेको देखिएको छ।

प्रकाशित मिति: बुधबार, पुस १७, २०८१ १४:१४

प्रतिक्रिया दिनुहोस्