विकासको आकांक्षालाई सम्बोधन गर्न वैकल्पिक विकास वित्तको तयारी गरेका छौँ- मन्त्री पौडैल

अर्थतन्त्र

गृहपृष्ठ
अर्थतन्त्र

विकासको आकांक्षालाई सम्बोधन गर्न वैकल्पिक विकास वित्तको तयारी गरेका छौँ- मन्त्री पौडैल

क्यापिटल नेपालआइतबार, पुस १४, २०८१

काठमाडौं। उपप्रधानमन्त्री एवम् अर्थमन्त्री विष्णुप्रसाद पौडेलले विकासको आकांक्षालाई सम्बोधन गर्न सरकारले वैकल्पिक विकास वित्तको तयारी गरेको बताएका छन्।

‘राजस्व, वैदेशिक सहयोग र ऋणमा आधारित परम्परागत स्रोतले मात्र वित्त व्यवस्थापन र विकासको तीव्र आकांक्षा तथा चाहनालाई सम्बोधन गर्न चुनौतीपूर्ण छ,’ उनले भने, ‘त्यसैले दीर्घकालीन विकासको आवश्यकतालाई सम्बोधन गर्ने गरी वैकल्पिक विकास वित्तका निम्ति सार्थक र प्रभावकारी कदम चाल्न वैकल्पिक विकास वित्त व्यवस्थापनसम्बन्धी विधेयकको मस्यौदा तयारी गरेका छौँ, यसलाई छिट्टै कानूनी प्रक्रियामा प्रवेश गराउँदै छौँ।’

मन्त्री पौडेलले नेपालको तीव्र विकासका लागि नयाँ सोच र दृष्टिकोणका साथ अघि बढ्न आवश्यक रहेको बताउँदै वैकल्पिक विकास वित्तबाट थप स्रोत जुटाउने गरी लगानी गर्न महत्वपूर्ण सहयोग पुग्ने विश्वास व्यक्त गरे।

उनले नेपालमा भएका विकासका धेरै कामप्रति अपनत्व लिँदै अघि बढ्न, थप स्रोत व्यवस्थापन तथा त्यसको परिचालनका लागि स्पष्ट योजनाका साथ खुल्ला हृदयले अघि बढ्नुपर्ने धारणा राखेका थिए।

अर्थ मन्त्रालयका प्रवक्ता महेश भट्टराईका अनुसार वैकल्पिक विकास वित्तले पूर्वाधार क्षेत्रको प्राथमिकीकरण, पूर्वाधार लगानीका लागि स्वदेशी तथा विदेशी स्रोत लगानीको व्यवस्था, विभिन्न वित्तीय उपकरणको सही प्रयोग लगायतमा सहयोग गर्ने लक्ष्य राखेको छ।

प्रकाशित मिति: आइतबार, पुस १४, २०८१ १६:२४

प्रतिक्रिया दिनुहोस्