भूकम्पले हल्लियो कालीकोट,पश्चिम नेपालमा १३ दिनमै सात वटा पराकम्प

समाज

गृहपृष्ठ
समाज

भूकम्पले हल्लियो कालीकोट,पश्चिम नेपालमा १३ दिनमै सात वटा पराकम्प

क्यापिटल नेपालशनिबार, पुस १३, २०८१

काठमाडौं। पुस लागेपछि मात्रै पश्चिम नेपालमा सात वटा भूकम्प गएको छ। राष्ट्रिय भूकम्प मापन केन्द्रका अनुसार पुस लागेपछि मात्रै पश्चिम नेपालमा भूकम्पको धक्का महसुस भएको हो।

शुक्रबार राती ११ बजेर ३७ मिनेटमा कालीकोटको लाली आसपास केन्द्रबिन्दु बनाएर तीन दशमलव सात म्याग्निच्युडको भूकम्प गएको छ।

राष्ट्रिय भूकम्प मापन केन्द्रका अनुसार पुस २ गते बझाङको धामेना आसपास केन्द्रबिन्दु बनाएर चार दशमलव तीन, पुस ३ गते बझाङको धामेनामै चार दशमलव एक म्याग्निच्युडको भूकम्प गएको थियो। यस्तै, पुस ४ गते मनाङको नेस्याङ केन्द्रबिन्दु भएर चार दशमलव सात म्याग्निच्युडको भूकम्प गयो।

पुस ६ गते बाजुरामा पाँच दशमलव दुई म्याग्निच्युडको भूकम्प जाँदा पुस ९ गते ९ बजेर २५ मिनेट जादा दार्चुलाको अपि हिमाल आसपास केन्द्रबिन्दु बनाएर चार म्याग्नेचुड र पुस ११ गते जाजरकोट नायकवाडा केन्द्रबिन्दु बनाएर चार दशमलव दुई म्याग्निच्युडको भूकम्प गएको विभागले जनाएको छ।

विभागका अनुसार, शुक्रबार ११ बजेर ३७ मिनेटमा कालीकोटको लाली आसपास केन्द्रबिन्दु बनाएर तीन दशमलव सात म्याग्निच्युडको भूकम्प गएको हो।

विभागका अनुसार, २०८० कात्तिक १७ गते जाजरकोटको रामीडाँडालाई केन्द्रबिन्दु बनाएर ६ दशमलव चार म्याग्निच्युडको भूकम्प गएको थियो। सो भूकम्पपछि मात्रै पश्चिम नेपालमा पाँच परकम्प गएको भूकम्पविद् बताउँछन्।

प्रकाशित मिति: शनिबार, पुस १३, २०८१ ०६:४३

प्रतिक्रिया दिनुहोस्