स्करपियोसँग ठोक्किँदा पुलबाट खस्यो ट्रक, दुई जनाको मृत्यु

समाज

गृहपृष्ठ
समाज

स्करपियोसँग ठोक्किँदा पुलबाट खस्यो ट्रक, दुई जनाको मृत्यु

क्यापिटल नेपालमंगलबार, पुस ९, २०८१

काठमाडौँ। पृथ्वी राजमार्गअन्तर्गत तनहुँको आँबुखैरेनी गाउँपालिका १ आँधीखोलामा इँट्टा बोकेको ट्रक दुर्घटना भएको छ। घटनामा हुँदा दुई जनाको मृत्यु भएको छ।

ट्रक चालक उदयपुरका ३० वर्षीय भेषराज पराजुली र सहचालक रौतहटका २८ वर्षीय विजय विश्वकर्माको मृत्यु भएको जिल्ला प्रहरी कार्यालय तनहुँका प्रहरी निरीक्षक मुनेन्द्र थापाले जानकारी दिए।

डुम्रेबाट आँबुखैरेनी जाँदै गरेको बा प्र ०१-००१ य १६५९ नम्बरको स्करपियोलाई विपरीत दिशाबाट आउँदै गरेको ए २-०३००-१ केएच २४४८ नम्बरको ट्रकले ठक्कर दिएको थियो।

ठक्करपछि स्करपियो सडकमै रहेको र ट्रक पुलको बीच भागबाट खसेर दुर्घटना भएको थियो। स्करपियोमा सवार चार जना सकुसल रहेको प्रहरीले जनाएको छ। दुर्घटनाग्रस्त ट्रकलाई क्रेनको सहायताले तानिएको थियो।

प्रकाशित मिति: मंगलबार, पुस ९, २०८१ १२:५२

प्रतिक्रिया दिनुहोस्