लेखासमिति सभापति पोखरेलमाथि एमालेकै सांसदले उठाए प्रश्न

राजनीति

गृहपृष्ठ
राजनीति

लेखासमिति सभापति पोखरेलमाथि एमालेकै सांसदले उठाए प्रश्न

क्यापिटल नेपालसोमबार, पुस ८, २०८१

काठमाडौँ। सार्वजनिक लेखा समितिका सभापति ऋषिकेश पोखरेलले आफू परीक्षा दिन तयार भएको बताएका छन्। सोमबारको समिति बैठकमा सांसदले प्रश्न उठाएपछि जवाफ दिँदै उनले आफू परीक्षा दिन तयार भएको बताएका हुन्।

बैठकमा नेकपा माओवादी केन्द्रका सांसद अमनलाल मोदीले सभापति पोखरेलकी पत्नी उमागौरी कृषि सहकारी संस्थाको रकम अपचलनमा संलग्न रहेको भन्दै जवाफ माग गरेका थिए।

नेकपा एमालेकै सांसद योगेश भट्टराईले सभापतिमाथि प्रश्न उठिसकेपछि त्यसको जवाफ दिनुपर्ने बताए। जवाफमा सभापति पोखरेलले भनेका थिए, ‘मेरो विषयमा कुरा उठ्यो, कानूनी प्रक्रियामा छु, म जुनसुकै परीक्षामा बस्न तयार छु।’

बैठकमा एमाले सांसद गोकुल बास्कोटा र कांग्रेस सांसद राजेन्द्र केसी पोखरेलको पक्षमा उभिएका थिए। उनकी पत्नी अञ्जला कोइराला जोडिएकी सहकारीको बचत हिनामिना भएपछि प्रश्न उठ्दै आएको थियो। सभापति पाेखरेल एमालेबाट निर्वाचित सांसद हुन्।

प्रकाशित मिति: सोमबार, पुस ८, २०८१ १६:१०

प्रतिक्रिया दिनुहोस्