नेप्सेले बोलायो साधारणसभा, प्रस्तावित नगद लाभांश ७५ करोड

सेयर

गृहपृष्ठ
सेयर

नेप्सेले बोलायो साधारणसभा, प्रस्तावित नगद लाभांश ७५ करोड

क्यापिटल नेपालसोमबार, पुस ८, २०८१

काठमाडौं। नेपाल स्टक एक्सचेन्ज (नेप्से) ले ७५ प्रतिशतका दरले नगद लाभांश वितरण गर्ने भएको छ। प्रस्तावित लाभांश पारित गर्न नेप्सेले पुस २९ गते ४३औं वार्षिक साधारणसभा बोलाएको छ।

नेप्सेको पुस ६ को सञ्चालक समिति बैठकले सेयरधनीलाई हाल कायम चुक्ता पुँजीको ७५ प्रतिशत नगद लाभांश वितरण गर्ने निर्णय गरेको हो। हाल नेप्सेको चुक्ता पुँजी १ अर्ब छ।

साधारणसभाले गत आर्थिक वर्षको वित्तीय विवरण स्वीकृत गर्ने, आयव्यय विवरण, इक्विटीमा भएको परिवर्तनसम्बन्धी विवरणलगायतमाथि छलफल गरी पारित गर्नेछ।

नेप्सेका सेयरधनीमा अर्थ मन्त्रालय, राष्ट्र बैंक, कर्मचारी सञ्चय कोष, राष्ट्रिय वाणिज्य बैंक, लक्ष्मी बैंक, प्रभु बैंकलगायत रहेका छन् । नेप्सेले गत वर्ष चुक्ता पुँजीको ६४ प्रतिशत लाभांश वितरण गरेको थियो।