देशको अर्थतन्त्रमा स्थानीय महोत्सवको योगदान महत्वपूर्ण- मन्त्री सिंह

राजनीति

गृहपृष्ठ
राजनीति

देशको अर्थतन्त्रमा स्थानीय महोत्सवको योगदान महत्वपूर्ण- मन्त्री सिंह

क्यापिटल नेपालआइतबार, पुस ७, २०८१

काठमाडौँ। उपप्रधानमन्त्री एवं शहरी विकास मन्त्री प्रकाशमान सिंहले स्थानीय मेला महोत्सवमा अर्थतन्त्रमा टेवा पुग्ने बताएका छन्।

आइतबार पोखरामा आयोजित भदौरे पञ्चासे कोदो महोत्सव तथा ल्होसार मेलाको समापन समारोहमा सम्बोधन गर्दै मन्त्री सिंहले स्थानीय मेला महोत्सवले अर्थतन्त्रमा टेवा पुर्याएको बताएका हुन्।

‘हाम्रो गाउँठाउँमा जे छ त्यसलाई हामी सबै मिलेर सुखदुख बाँडेर जीवनलाई खुशी पार्नका लागि हामी लाग्नु पर्छ,’ उनले भने, ‘महोत्सवले शहरमा मात्र होइन विकट ठाउँमा पनि आन्तरिक पर्यटक पनि पढ्छ, सकेसम्म विदेशी पाहुनालाई पनि आकिर्षत गर्न सकियो भने अझ राम्रो हुन्छ।’

स्थानीय तहमा उत्पादित वस्तुको प्रदर्शन, प्रतिभाको प्रष्फुटन र आफ्ना उत्पादनको सदुपयोग गर्ने बानी बनाउन पनि महोत्सव हरेक पालिकामा मनाउनु पर्ने उनको भनाइ थियो।

उनले सरकार नागरिकको जीवन सहज बनाउनका लागि लागिरहेको बताए। ‘संघीय लोकतान्त्रिक गणतन्त्रतात्मक संविधानले दिएको अधिकार तीनै तहका सरकारलाई दिने गरी आवश्यक संघीय कानून बनाउनुपर्नेमा तीव्र काम भइरहेको छ,’ उनले थपे, ‘प्राप्त अधिकार संस्थागत गर्दै हरेक नेपालीको जीवन सहज बनाउनु पर्छ भन्ने जुन चाहना छ, त्यसलाई पूरा गर्न सरकार लागिरहेको छ।’

प्रकाशित मिति: आइतबार, पुस ७, २०८१ १६:१३

प्रतिक्रिया दिनुहोस्