रवि लामिछाने विरुद्ध कास्की अदालतमा अभियोग पत्र दर्ता, सांसद पद के हुन्छ?

राजनीति

गृहपृष्ठ
राजनीति

रवि लामिछाने विरुद्ध कास्की अदालतमा अभियोग पत्र दर्ता, सांसद पद के हुन्छ?

क्यापिटल नेपालआइतबार, पुस ७, २०८१

काठमाडौं। रास्वपा सभापति रवि लामिछानेसहित ३१ जनाविरुद्ध सहकारी प्रकरणमा अभियोग पत्र जिल्ला अदालत कास्की दर्ता भएको छ।

पूर्व उपप्रधान तथा गृहमन्त्री समेत रहेका लामिछानेविरुद्ध सहकारी ठगी, सङ्गठित अपराध र सम्पत्ति शुद्धीकरणको अभियोगमा मुद्दा दायर भएको हो।

सरकारी वकिल कार्यालय कास्कीले पेश गरेको प्रमाणपत्र र मिसिलसहितको अभियोग अदालतमा दर्ता भएको कास्की अदालतका सूचना अधिकारी सुरज अधिकारीले जानकारी दिए । ३१ व्यक्तिसहित ८ कम्पनी र ५ सम्पत्ति जफत गरि ४४ विरुद्ध अभियोग पत्र दर्ता गरिएको सूचना अधिकारीले बताए।

सहकारी ठगीबारे अनुसन्धान गर्न गठित संसदीय छानबिन समितिको प्रतिवेदनले गोर्खा मिडिया प्रालीमा सहकारीबाट आएको रकमको हकमा तत्कालीन प्रबन्ध निर्देशक रवि लामिछानेसहित जिम्मेवार रहने भन्दै उनीहरूलाई कारबाहीको दायरामा ल्याउन सिफारिस गरेको थियो।

सांसद् पद के हुन्छ?
प्रतिनिधिसभा नियमावलीको दफा २४८ (३) अनुसार प्रचलित कानुन बमोजिम तीन वर्ष वा सो भन्दा बढी कैदको सजाय हुने वा नैतिक पतन देखिने फौजदारी मुद्दामा अभियोगपत्र दायर भई निज पुर्पक्षको लागि थुनामा रहेकोमा त्यस्तो थुनामा रहेको अवधिभर वा अदालतको आदेश बमोजिम पुर्पक्षको लागि थुनामा बस्नुपर्नेमा त्यस्तो थुनामा नबसी फरार रहेको भएमा निजलाई सदस्यको हैसियतले कुनै कार्य गर्न वा कुनै अधिकार वा उन्मुक्ति प्राप्त हुने छैन र त्यस्तो अवधिभर निज निलम्बनमा रहने र पारिश्रमिक, सेवा र सुविधा समेत स्थगित हुनेछ।

अदालतले आगामी दिनमा लामिछानेलाई पुर्पक्षका लागि थुनामा राख्ने या नराख्ने निर्णय गरेपछि मात्रै उनको सांसद पद निलम्बन हुने या नहुने निर्क्योल हुने जानकारहरु बताउछन्। तारेख वा धरौटीमा छुटेको खण्डमा निलम्बन नहुने तर पुर्पक्षका लागि अदालतले थुनामा पठायो भने निलम्बन हुने नियमावलीमा रहेको छ।

प्रकाशित मिति: आइतबार, पुस ७, २०८१ १३:२८

प्रतिक्रिया दिनुहोस्