आजदेखि मुग्लिङ-नौबिसे सडक दैनिक ३ घण्टा बन्द हुने

समाज

गृहपृष्ठ
समाज

आजदेखि मुग्लिङ-नौबिसे सडक दैनिक ३ घण्टा बन्द हुने

क्यापिटल नेपालआइतबार, पुस ७, २०८१

काठमाडौँ। मुग्लिङ-नौबिसे सडकखण्ड आजदेखि पाँच दिनसम्म दैनिक ३ घण्टा बन्द हुने भएको छ। पोखरेभिर र विशालटारमा चट्टान काटेर मोड बढाउने भएपछि आजदेखि बिहान ११ बजेदेखि दिउँसो २ बजेसम्म सडक बन्द हुने भएको हो।

यसअघि जिल्ला सुरक्षा समितिको बैठकले सडक बन्द गरेर मोड सुधारको काम गर्ने निर्णय पुस ३ गते गरेको थियो। साही निर्णयअनुसार आजदेखि सडक बन्द हुने भएको हो।

यस अवधिमा मोड सुधारका लागि गल्छी-बैरेनी र चालिसेमा भारी सवारी साधनलाई राखिने व्यवस्था गरिएको छ। हलुका सवारी साधन जरेखेत र घाटबेँसीमा राखिने व्यवस्था गरिएको छ।

विशालटार मोड सुधार गर्नका लागि भारी सवारी साधनलाई मझिमटार र बेनीघाट तथा हलुका सवारी साधनलाई चरौदी र विशालटारमा राखिने व्यवस्था गरिएको छ। सवारी साधन रोक्दा लेन अनुशासन पालना गर्न जिल्ला ट्राफिक कार्यालय धादिङले आग्रह गरेको छ।

प्रकाशित मिति: आइतबार, पुस ७, २०८१ १०:२९

प्रतिक्रिया दिनुहोस्