अर्थमन्त्री पौडेल स्वदेश फिर्ता

अर्थतन्त्र

गृहपृष्ठ
अर्थतन्त्र

अर्थमन्त्री पौडेल स्वदेश फिर्ता

क्यापिटल नेपालशुक्रबार, पुस ५, २०८१

काठमाडौँ। उपप्रधानमन्त्री एवं अर्थमन्त्री विष्णुप्रसाद पौडेल स्वदेश फिर्ता भएका छन्। थाइल्याण्डको राजधानी बैंककमा आयोजित एसिया र प्रशान्त क्षेत्रमा विकासका लागि वित्तसम्बन्धी उच्चस्तरीय क्षेत्रीय परामर्श बैठकमा भाग लिएर उनी स्वदेश फिर्ता भएका हुन्।

सम्मेलनमा दिगो विकासका लक्ष्य, स्रोत व्यवस्थापन, पुँजी परिचालन, सार्वजनिक ऋण, जलवायु वित्तका लागि स्थापित कोष, वित्तीय अन्तरलगायत विषयमा छलफल भएको थियो।

एसिया र प्रशान्त क्षेत्रका लागि संयुक्त राष्ट्र संघीय आर्थिक तथा सामाजिक आयोगले आयोजना गरेको परामर्श बैठकको अध्यक्षता नेपालले गरेको थियो।

परामर्श बैठकबाट आएका सुझावहरूलाई समेत समावेश गरी सन् २०२५ मा स्पेनमा हुने विकासका लागि वित्तसम्बन्धी चौथौ अन्तर्राष्ट्रिय सम्मेलनमा पेश गरिने दस्ताबेज तयार पारिनेछ।

प्रकाशित मिति: शुक्रबार, पुस ५, २०८१ १५:३३

प्रतिक्रिया दिनुहोस्