५०० अर्ब डलर सम्पति पुग्ने संसारकै पहिलो व्यक्ति बने इलोन मस्क

अन्तर्राष्ट्रिय

गृहपृष्ठ
अन्तर्राष्ट्रिय

५०० अर्ब डलर सम्पति पुग्ने संसारकै पहिलो व्यक्ति बने इलोन मस्क

क्यापिटल नेपालबुधबार, पुस ३, २०८१

काठमाडौं। इलन मस्कको कुल सम्पति मंगलबार ऐतिहासिक ५०० अर्ब डलर पुगेको छ । उनी ५०० अर्ब डलर सम्पति पुग्ने संसारकै पहिलो व्यक्ति बनेको हिन्दुस्तान टाइम्सले जनाएको छ । टेस्लाको सेयर मूल्य १ महिनामा ४१.६६ प्रतिशत अर्थात, प्रतिकित्ता १४१ डलरले बढेको छ । हाल यस कम्पनीको बजार भाउ ४७९ डलर पुगेको छ । जुन हालसम्मकै उच्च हो ।

यस कम्पनीको भाउमा आएको वृद्धिले पनि मस्कको सम्पति बढेको हो । ब्लूमबर्गले रिपोर्ट गरेअनुसार एलन मस्कले टेस्लाको लगभग १३ प्रतिशत स्वामित्व राख्छन् । स्पेसएक्सको हालको मूल्यांकन लगभग ३५० अर्ब डलर छ । जुन डिसेम्बर २०२४ को टेन्डर अफरमा आधारित छ ।

मस्कसँग एक्स कर्प (ट्विटर) को लगभग ७९ प्रतिशत स्वामित्व छ । उनले यो कम्पनी २०२२ मा ४४ अर्ब डलरमा खरिद गरेका थिए । न्यूरालिंक, एक्सएआई, र बोरिङ कम्पनीमा मस्कको स्वामित्व मूल्यांकन हालसालैको फन्डिङ राउन्ड र अन्य स्रोतहरुका आधारमा गरिएको हो ।

मस्क टेस्लाका सीइओ हुन् । जुन विश्वकै सबैभन्दा मूल्यवान कार निर्माता कम्पनी हो । यो कम्पनीले इलेक्ट्रिक सवारीसाधन र सौर्य ब्याट्री बेच्ने गर्दछ । उनी स्पेसएक्सका प्रमुख पनि हुन् । जुन रकेट निर्माण गर्ने कम्पनी हो र यसले नासालाई अन्तरिक्ष स्टेशनलाई पुनःआपूर्ति गर्न सम्झौता गरेको छ ।

उनी एक्स (ट्विटर) सामाजिक सञ्जालको पनि मालिक हुन् । साथै, उनी अन्य परियोजनाहरुजस्तै न्यूरालिंक, एक्सएआइ, र बोरिङ कम्पनीको नेतृत्व पनि गर्छन् ।

प्रकाशित मिति: बुधबार, पुस ३, २०८१ ११:०६

प्रतिक्रिया दिनुहोस्