स्वास्थ्य मन्त्रालयको निर्देशन- स्वास्थ्यकर्मीको पारिश्रमिक बैंकिङ प्रणालीमा उपलब्ध गराउनू

बैंकिङ

गृहपृष्ठ
बैंकिङ

स्वास्थ्य मन्त्रालयको निर्देशन- स्वास्थ्यकर्मीको पारिश्रमिक बैंकिङ प्रणालीमा उपलब्ध गराउनू

क्यापिटल नेपालबुधबार, पुस ३, २०८१

काठमाडौँ। स्वास्थ्य तथा जनसङ्ख्या मन्त्रालयले स्वास्थ्य संस्थामा कार्यरत नर्सिङ एवं स्वास्थ्यकर्मीको न्यूनतम पारिश्रमिक र सेवा सुविधा उपलब्ध गराउन परिपत्र गरेको छ।

मन्त्रालयको गुणस्तर मापन तथा नियमन महाशाखाका प्रमुख डा. राजकुमार पाण्डेले परिपत्र जारी गर्दै सरकारी अस्पताल, मेडिकल कलेज र सबै सामुदायिक निजी अस्पताललाई पत्राचार गरी नर्सिङको न्यूनतम सेवा सुविधा उपलब्ध गराउन परिपत्र गरेका हुन्। विशेष गरी नर्सिङको सेवा सुविधाबारे मन्त्रालयमा गुनासो आएपछि परिपत्र जारी गरिएको महाशाखा प्रमुख डा. पाण्डेले जानकारी दिए।

यसैगरी, मन्त्रालयले तोकिएको समयभन्दा बढी कार्यका लागि अतिरिक्त भत्ताको व्यवस्था गर्न निर्देशन दिएको उनको भनाइ थियो। स्वास्थ्य तथा शैक्षिक संस्थाले करार (नियुक्ति सम्झौता) गरी राख्नु पर्ने, ज्यालादारी कार्य गराउन नपाइने र सक्कल शैक्षिक लब्धाङ्कपत्र कार्यालयमा राख्न नपाइनेजस्ता कार्य गर्न पनि अस्पताललाई निर्देशन दिइएको छ।

काम गरिसकेपछि अनुभवको पत्र प्रदान गर्नु पर्ने र नर्सिङलगायत अन्य स्वास्थ्यकर्मीको पारिश्रमिक बैंकिङ प्रणालीबाट मात्र उपलब्ध गराउनसमेत परिपत्र गरेको छ।

प्रकाशित मिति: बुधबार, पुस ३, २०८१ १०:५०

प्रतिक्रिया दिनुहोस्