एनपिएलको पुरस्कार राशि घोषणा, विजेताले कति पाउँछन् रकम?

समाज

गृहपृष्ठ
समाज

एनपिएलको पुरस्कार राशि घोषणा, विजेताले कति पाउँछन् रकम?

क्यापिटल नेपालमंगलबार, पुस २, २०८१

काठमाडौँ। नेपाल क्रिकेट संघ (क्यान)ले पहिलो संस्करणको नेपाल प्रिमियर लिग (एनपिएल)को पुरस्कार राशि घोषणा गरेको छ। क्यानका अनुसार विजेता टोलीले १ करोड १० लाख रुपैयाँ पाउने भएको छ।

दोस्रो हुने टोलीले ५१ लाख रुपैयाँ पाउँदा तेस्रो हुने टोलीले २५ लाख रुपैयाँ पाउने भएको छ। चौथो हुने टोलीले १५ लाख रुपैयाँ पाउने छ ।

प्रतियोगितामा बुधबार चितवन राइनोज र कर्णाली याक्सबीच ‘एलिमिनिटर’ खेल हुँदैछ। पहिलो स्थानमा रहेको सुदूरपश्चिम र दोस्रो स्थानमा रहेको जनकपुर बोल्ट्सबीच पहिलो ‘क्वालिफायर’ हुनेछ।

त्यस्तै, प्रतियोगितामा उत्कृष्ट घोषित हुने एक खेलाडीलाई एक थान कार प्रदान गर्ने क्यानले यसअघि नै घोषणा गरिसकेको छ। क्यानको आयोजनामा मंसिर १५ गतेदेखि सञ्चालन भएको एनपिएलमा विभिन्न आठ टोली सहभागी छन्।

सहभागी टोलीमा चार टोली प्लेअफमा पुगेका छन् भने बाँकी चार टोली प्रतियोगिताबाट बाहिरिसकेका छन्। जारी एनपिएलमा आठ टोलीको सहभागिता थिए। यसअघि क्यानले हरेक टोलीलाई १५ लाख रुपैयाँ दिने जनाएको थियो।

प्रकाशित मिति: मंगलबार, पुस २, २०८१ १६:५६

प्रतिक्रिया दिनुहोस्