काठमाडौं। इसेवाले चाडपर्व अवसरमा ग्राहकलाई थप हौसला दिने उद्देश्यले आयोजना गरेको इसेवा महाउत्सवको बम्पर उपहार घोषणा गरेको छ। फेसबुकमार्फत लाइभ लक्की ड्रमा मकवानपुरका रवि बम्जनले नामी इलेक्ट्रिक कार जितेका छन्।
पुल्चोक, ललितपुरस्थित एल्सी कन्फरेन्समा कार्यक्रम आयोजना गरी बम्पर उपहार विजेताको घोषणा गरिएको हो।
इसेवाका कार्यकारी अधिकृत, सेलिब्रिटीहरू र कन्टेन्ट क्रियटरको उपस्थितिमा फेसबुक लाइभमार्फत इसेवा महाउत्सवको बम्पर उपहार विजेता छनोट गरिएको कम्पनीले जनाएको छ।
सदीक्षा श्रेष्ठद्वारा उद्घोषित कार्यक्रम इसेवाका एम्बेसडर नेपाली क्रिकेट टोलीका कप्तान रोहितकुमार पौडेल, राष्ट्रिय ब्याडमिन्टन खेलाडी प्रिन्स दाहाल, तथा हाँस्यव्यंग्य कलाकार सुमन कार्की सहभागी थिए।
२०८१ साल आश्विन १ देखि कार्तिक ३० गते सम्म चलेको इसेवा महा–उत्सव नेपालीको दसैं, तिहार तथा छठ पर्व अवसरमा प्रयोगकर्तामा थप उत्साह दिने गर्ने उद्देश्यले आयोजना गरिएको थियो।
महा–उत्सवमा दैनिक फ्ल्यास सेल, रिल प्रतियोगितादेखि ६५ इन्चको टिभी, आइफोन१६, आइपफोन१६प्रो जस्ता मेगा उपहारका साथै बम्परमा नामीको इलेक्ट्रिक कार जित्ने मौका थियो।
-1734435091.jpg)
